સુસાઈડ ગેમ / 'બ્લેક પેંથર' હવે આઝાદ, બ્લૂ વ્હેલ ગેમનો ટાસ્ક પુરો કરવા 20 વર્ષના યુવકે લગાવી ફાંસી

દોઢ વર્ષ પહેલા અનેક લોકોને જીવ લેનાર બ્લૂ વ્હેલ ગેમનું ભૂત ફરી ધૂણ્યું છે. બ્લૂ વ્હેલ ગેમનો શોખ હજુ પણ  જીવ લઇ રહ્યો છે.પૂણેમાં 20 વર્ષના એક યુવકે આત્મહત્યા કરી લીધી છે. બ્લૂ વ્હેલ ગેમના ટાસ્ક પુરા કરવાના ચક્કરમાં ફાંસી લગાવી હોય તેવી આશંકા છે. દીવાકર માલી નામના આ યુવકની સ્યુસાઇડ નોટને આધારે પોલીસને શંકા ગઈ છે. મૃતક યુવક માલીએ પોતાને `બ્લેક પેંથર' ગણાવ્યો હતો. 

પોલીસના એક અધિકારીએ જણાવ્યું હતું કે, બુધવાર સાંજે ફાંસી લગાવ્યા પહેલા, તેમના એક પત્ર લખ્યો હતો. જેમાં તેમણે લખ્યું હતું કે, પિંજરામાં કેદ 'બ્લેક પેંથર' હવે આઝાદ છે અને હવે તેઓ દરેક બંધનમાંથી મુક્ત છે. 

અધિકારીએ કહ્યું કે આ મેસેજ કદાચ તેમને ઓનલાઈન સંબંધિત હતો, જેમાં માલુ ખુદને 'બ્લેક પૈંથર' ગણાવી રહ્યો હતો. 

દીવાકર માલીની માતાએ તેના ફોનના વ્યસન બાબતે જણાવ્યું અને બાળકોને મોબાઇલથી દૂર રાખવા કરી અપીલ છે. બ્લૂ વ્હેલ ગેમને લઇને કેટલાક લોકોની આત્મહત્યા કરવાના કિસ્સા અગાઉ પણ સામે આવ્યા છે.

VTV તમને અપીલ કરી રહ્યું છે કે, તમારા બાળક પર સતત ધ્યાન આપતા રહો. બને ત્યાં સુધી બાળકને ફોનનો ઓછો ઉપયોગ કરવા કહો. બાળક કોઇ શંકાસ્પદ ગતિવિધી કરતું જણાય તો તાત્કાલિક તપાસ કરો.