ઘણી વખત લોકોને કોઈ ખાસ પરિશ્રમ કર્યા વગર એટલું બધુ મળી જતુ હોય છે કે જેણે તેની ક્યારેય કલ્પના પણ કરી હોતી નથી. આ વાત તે કહેવત પરથી સમજાય છે કે ઉપરવાળો જ્યારે આપે છે ત્યારે છપ્પડ ફાડીને આપે છે અને લોકો બેઠા-બેઠા અમીર થઇ જાય છે.
અમેરિકાના ટેક્સાસની ઘટના
પ્લમ્બરનું નસીબ ચમક્યુ, બાથરૂમમાંથી મળ્યો ખજાનો
દીવાલનું પ્લાસ્ટર હટાવ્યું તો ત્યાંથી ચાર કરોડ રૂપિયા કેશ મળ્યાં
પ્લમ્બરનું નસીબ બદલાયું
જોકે, મોટાભાગના મામલામાં એવુ ત્યારે થાય છે જ્યારે કોઈને લોટરી લાગે છે અથવા કોઈને ક્યાકથી રૂપિયાથી ભરેલી બેગ મળી જાય. આવો એક અનોખી ઘટના અમેરિકાના ટેક્સાસમાં સામે આવી છે. જ્યારે એક શખ્સ ટોયલેટમાં હતો ત્યારે તેને આશરે 4 કરોડ રૂપિયા મળી ગયા. ખરેખર, જે ટોયલેટમાંથી ભારે રકમ મળી. તે શખ્સ એક પ્લમ્બર છે, તે એક દીવાલનું સમારકામ કરી રહ્યો હતો. આ પ્લમ્બરે જ્યારે ટોયલેટની દીવાલને ખોદી ત્યારબાદ તે ચોંકી ગયો. Lakewood Churchમાંથી વર્ષ 2014માં 6 લાખ ડૉલર ચર્ચની તિજોરીમાંથી ચોરી થઇ ગયા હતા. જસ્ટિન કૉલે નામનો આ પ્લમ્બર જ્યારે ચર્ચમાં બાથરૂમની દીવાલને રિપેર કરી રહ્યો હતો ત્યારે તેનું નસીબ ચમકી ગયુ. કામ કરતી વખતે તેને લાગ્યું કે દીવાલની અંદર કશું છુપાવવામાં આવ્યું છે.
પ્રામાણિકતા કામે આવી
દીવાલનું પ્લાસ્ટર હટાવ્યું તો ત્યાંથી ચાર કરોડ રૂપિયા કેશ અને ચેકના રૂપમાં મળ્યાં. તે હેરાન થઇ ગયો અને વિચારમાં પડી ગયો કે આ કેવીરીતે થઇ શકે છે. ત્યારબાદ તેણે નિર્ણય કર્યો કે તે તેમાંથી એક પણ પૈસો પોતાના ઘરે નહીં લઈ જાય.
ચર્ચને આપ્યું 15 લાખનું ઈનામ
મીડિયા રિપોર્ટ મુજબ, આ પ્લમ્બરે પ્રામાણિકતા દર્શાવી. તેણે આખી કહાની ચર્ચના વહીવટીતંત્રને જણાવી જ્યાં તે સમારકામ કરી રહ્યો હતો. પ્લમ્બરે આખી રકમ ચર્ચ મેનેજમેન્ટને સોંપી દીધી. આ બધા રૂપિયા બાથરૂમની દીવાલની અંદર ભરાયેલા હતા. હાલમા ચર્ચના વહીવટી તંત્રએ પ્લમ્બરની પ્રામાણિકતાથી ખુશ થઈને પ્લમ્બરને ઈનામ આપવાની જાહેરાત કરી દીધી. ચર્ચની દીવાલમાં મળેલા પૈસામાંથી અમુક પૈસા જસ્ટિનને આપવામાં આવ્યાં છે.