દિલ્હીના મોહન ગાર્ડન એરિયામાં લગ્નથી ઇન્કાર કરવા પર એક છોકરીને ગોળી મારી દેવામાં આવી હતી. બાદમાં પોલિસે આરોપીને પકડીને તેની ધરપકડ કરી છે અને આગળની કાર્યવાહી હાથ ધરી છે.
ટિકટોક પર પાંગર્યો પ્રેમ
10 મહિના રહ્યો સંબંધ
લગ્નની ના પાડતા કર્યુ ફાયરિંગ
ટિકટોક પર બંધાયો સંબંધ
પોલિસના જણાવ્યા અનુસાર ટિકટોક પર બંનેની ઓળખાણ થઇ હતી અને સંબંધો આગળ વધ્યા હતા. બંને વચ્ચે પ્રેમ પાંગર્યો હતો અને જ્યારે કરણે પીડિતાને લગ્ન માટે કહ્યું ત્યારે તેને જાણ થઇ હતી કે કરણ પરણિત છે અને તેને બે બાળકો છે.
હકીકત જાણ્યા બાદ પિડીતા કરણને ઇગ્નોર કરવા લાગી, જ્યારે કરણે તેને લગ્ન માટે કહ્યું ત્યારે તેણે ના પાડી પરંતુ કરણ આ વાત પચાવી શક્યો નહી. તે નહોતો ઇચ્છતો કે પિડીતા કોઇ અન્ય સાથે લગ્ન કરે.
આ રીતે કર્યુ પ્લાનિંગ
પોલિસના જણાવ્યા અનુસાર આરોપીએ મોહ ગાર્ડન પાસેથી એક બાઇકની ચોરી કરી અને પ્રવીણ નામના એક શખ્સ પાસેથી દેસી કટ્ટો ખરીદ્યો. શુક્રવારે તે પિડીતાના ઘરે ગયો અને ઘરમાં ઘૂતસાની સાથે જ ફાયરિંગ કરવા લાગ્યો.
પિડીતાની હાલત ગંભીર
ફાયરિંગમાં પિડીતાને ગોળી વાગી ગઇ અને તેને હોસ્પિટલમાં દાખલ કરવામાં આવી છે. તેની હાલત ગંભીર છે અને આરોપી સહિત જેની પાસેથી તેણે ગન લીધી હતી તે પ્રવિણને પણ પોલિસે ઝડપી પાડ્યો છે. આ સમગ્ર ઘટનાની તપાસ કરવામાં આવી રહી છે.