ક્રાઈમ / દિલ્હીની સ્કૂલમાં શરમજનક કાંડ, શખ્સે ઉતાર્યાં છોકરીઓના કપડાં,પછી ક્લાસમાં કરી આવી હરકત

• દિલ્હીની એક સ્કૂલમાં બની શરમજનક ઘટના
• શખ્સ અચાનક ઘુસી આવ્યો
• છોકરીઓના ઉતારી દીધા કપડાં
• છોકરીઓની સામે કરવા લાગ્યો પેશાબ

દિલ્હી મહિલા આયોગે એવું જણાવ્યું છે ભજનપુરામાં દિલ્હી નગર નિગમની એક સ્કૂલમાં કોઈ અજાણ્યો શખ્સ ઘુસી આવ્યો હતો. સ્કૂલમાં ઘુસી આવેલા આ શખ્સે બે છોકરીઓના કપડાં ઉતારી નાખ્યાં હતા અને તેમનું જાતિય સતામણી કરી હતી. આ પછી પાગલ ગણાતા આ શખ્સે છોકરીઓની સામે પેશાબ કર્યો હતો. 

दिल्ली के MCD स्कूल में आदमी घुस आया & 2 लड़कियों के कपड़े उतारे, फिर पूरी क्लास के सामने शौच किया! लड़कियों ने प्रिन्सिपल & टीचर को बताया तो उन्होंने कहा ‘भूल जाओ’! मैंने पुलिस को नोटिस इशू करा है - आरोपी तुरंत अरेस्ट हो।MCD कमिशनर को भी तलब किया है। जवाबदेही निश्चित होनी चाहिए! pic.twitter.com/qRUqfgXOOw

— Swati Maliwal (@SwatiJaiHind) May 4, 2022

અચાનક ક્લાસમાં આવીને છોકરીઓની સામે કરી આવી હરકત 

દિલ્હી મહિલા આયોગે 30 એપ્રિલના રોજ જારી કરેલી નોટિસમાં કહ્યું કે વિદ્યાર્થીઓ જ્યારે ક્લાસમાં ટીચરના આવવાની પ્રતિક્ષા કરી રહ્યાં હતા ત્યારે કોઈ અજાણ્યો શખ્સે ક્લાસમાં આવ્યો હતો. નોટીસમાં કહેવાયું કે કથિત રીતે તેણે એક બાળકીના કપડા ઉતારી નાખ્યાં અને તેણે અશ્લીલ શબ્દો કહ્યાં. ત્યાર બાદ તે શખ્સ બીજી છોકરી પાસે ગયો અને તેના પણ કપડા ઉતરાવી નાખ્યાં હતા. ત્યાર બાદ તેણે ક્લાસનો દરવાજો બંધ કરીને વિદ્યાર્થીઓની સામે પેશાબ કર્યો હતો. આ જોઈને વિદ્યાર્થીઓ છળી મર્યા હતા. વિદ્યાર્થીઓ સામે આવી અણછાજતી હરકત કર્યા બાદ આરોપી ભાગી ગયો હતો. 

ઘટના બાદ વિદ્યાર્થીઓને કહેવાયું, મોં બંધ રાખજો અને બનેલું ભૂલી જજો 

ઘટના બાદ વિદ્યાર્થીઓએ પ્રિન્સિપાલ અને ટીચરને આ ઘટનાની જાણ કરી હતી. પરંતુ કોઈ એક્શન લેવાને પગલે તેમણે વિદ્યાર્થીઓને ચૂપ રહેવાનું તથા બનેલું ભૂલી જવાની સલાહ આપી હતી. પોલીસે આ ઘટનામાં કેસ દાખલ કરીને તપાસ શરુ કરી દીધી છે. 

સ્કૂલમાં નાના બાળકોની સામેની આઘાતજનક ઘટના ઘણી ગંભીર-સ્વાતિ માલીવાલ 

દિલ્હી મહિલા આયોગની અધ્યક્ષ સ્વાતિ માલીવાલે કહ્યું કે, "મને ખૂબ જ દુઃખ છે કે સ્કૂલ પરિસરની અંદર નાના બાળકોની જાતીય સતામણીની આવી ગંભીર અને આઘાતજનક ઘટના બની છે, જે બાળકો માટે ખૂબ જ સુરક્ષિત સ્થળ માનવામાં આવે છે. પૂર્વ નિગમની શાળામાં ધોળે દહાડે આવો જઘન્ય ગુનો બને તે તદ્દન અસ્વીકાર્ય છે અને તેની જાણ કરવાને બદલે શાળાના આચાર્ય અને શિક્ષકોએ મામલો થાળે પાડવાનો પ્રયાસ કર્યો હતો. મેં દિલ્હી પોલીસને નોટિસ ફટકારીને આરોપીઓની તાત્કાલિક ધરપકડ કરવા અને કેસ છુપાવવાનો પ્રયાસ કરનારાઓ સામે પોક્સો એક્ટ હેઠળ વહેલી તકે કાર્યવાહી કરવાની માંગ કરી છે. આ સિવાય મેં પૂર્વ દિલ્હી મ્યુનિસિપલ કોર્પોરેશનના કમિશનરને પણ સમન્સ જારી કર્યું છે જેથી આ મામલે જવાબદારી સુનિશ્ચિત કરી શકાય.

મહિલા આયોગની તાત્કાલિક કાર્યવાહીની માંગ

દિલ્હી મહિલા આયોગે આ ઘટનાની ગંભીર નોંધી લીધી છે. કમિશને જણાવ્યું હતું કે, "આ એક ગંભીર બાબત છે અને તેના પર તાત્કાલિક કાર્યવાહી થવી જોઈએ." એક વરિષ્ઠ પોલીસ અધિકારીએ જણાવ્યું હતું કે તેઓએ પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સિસ એક્ટ (પોક્સો) હેઠળ કેસ નોંધ્યો છે અને આરોપીઓને પકડવા માટે વિશેષ ટીમોની રચના કરવામાં આવી છે. કમિશને પોલીસ પાસેથી એફઆઈઆરની એક નકલ મંગાવી છે. આ ઉપરાંત આરોપીઓની વિગતો, ભોગ બનનારને બાળ કલ્યાણ સમિતિ સમક્ષ રજૂ કરવામાં આવ્યા હતા કે કેમ અને વર્ગ શિક્ષક અને આચાર્ય સામે કોઈ કાર્યવાહી કરવામાં આવી હતી કે કેમ તેની વિગતો પણ પંચ દ્વારા માગવામાં આવી છે.