OMG / ભલા માણસ, કંઈ હદ હોય! નદીમાં પધરાવી નાંખી 1.3 કરોડની BMW! પોલીસ તપાસમાં થયેલ ખુલાસો જાણી ચોંકી જશો

લોકોએ પાણીમાં ડૂબતી કાર જોઇને મદદે આવ્યા 
કાર ડૂબતી સમયે કોઈ હાજર નહતું કારમાં  
ભારતમાં BMWની X6 નાં ભાવ એક કરોડ કરતા વધુ   

BMW કાર પાણીમાં ડૂબી 
નદીમાં વહેતી લાલ રંગની બીએમડબલ્યુ કારને જોઈ કર્ણાટકના શ્રીરંગાપટ્ટનના લોકો ચોંકી ગયા હતા. નદીમાં કારને જોઈને પહેલા તો લોકોએ તેને અકસ્માત માન્યો અને તરત જ પોલીસને જાણ કરી દીધી. સાથે જ સ્થાનિક લોકોએ નદીમાં ડૂબકી લગાવનારા બચાવકર્મીઓને જાણ કરી અને જોયું કે અંદર કોઈ ફસાઈ ગયું છે કે નહીં.

કારમાં કોઈ સવાર નહતું 
બચાવકર્મીઓએ જ્યારે કહ્યું કે કારની અંદર કોઈ નથી તો લોકોએ રાહતનો શ્વાસ લીધો. ત્યારબાદ પોલીસે પાણીમાં ડૂબેલી કારને બહાર કાઢી હતી. ત્યારબાદ ખબર પડી કે તે BMW X6 છે. ભારતીય બજારમાં તેની કિંમત લગભગ 1.3 કરોડ રૂપિયા છે. જો કે આ કારની નદીમાં લોકો ડુબી જવાનું કારણ સામે આવ્યું ત્યારે તે ખૂબ જ ચોંકાવનારું હતું.

આ કારણે નદીમાં ફેકી દીધી કાર 
પોલીસે કાર બહાર કાઢ્યા બાદ તેની તપાસ કરી તો પરિવહન વિભાગ પાસેથી મળેલી માહિતીમાં સામે આવ્યું કે આ કાર બેંગલુરુના મહાલક્ષ્મી લેઆઉટમાં રહેતા એક વ્યક્તિની છે. બાદમાં આ વ્યક્તિને પૂછપરછ માટે બોલાવવામાં આવ્યો હતો, પરંતુ અધિકારીઓને યોગ્ય જવાબ મળ્યો ન હતો. જો કે, આ વ્યક્તિના પરિવારના સભ્યોએ જણાવ્યું હતું કે, તેની માતાના મૃત્યુ બાદથી તે ડિપ્રેશનમાં હતો, જેના કારણે તેણે પોતાની બીએમડબલ્યુ એસયુવીને પાણીમાં ફેંકી દેવાનો નિર્ણય લીધો હતો.

BMW બનાવે છે મોંધી કારો   
જે બાદ પોલીસે આ શખ્સના પરિવારજનોના નિવેદન નોંધ્યા બાદ તે વ્યક્તિને છોડી દીધો હતો અને કોઇ ફરિયાદ નોંધાઇ ન હતી અને પાણીમાં કાઢવામાં આવેલી BMW X6 એસયુવી તે વ્યક્તિના પરિવારને પરત સોપી દીધી હતી. BMW ની X6 એસયુવી ભારતમાં જર્મન લક્ઝરી કાર બ્રાન્ડની સૌથી મોંઘી કાર માંથી એક છે. આ મોડલની કિંમત ₹1.05 કરોડ (એક્સ-શોરૂમ)થી શરૂ થાય છે.