સરકારી નોકરીઓ માટે લેવામાં આવતી પરીક્ષાઓમાં કોપી કરવી અને પેપર લીક થવુ હવે સામાન્ય વાત થઇ ગઇ છે. અવાર-નવાર પેપર લીક થવાના કારણે પરીક્ષાઓ રદ્દ થાય છે અને સરકાર તરફથી કડક ચેતવણી અને કડક વલણ બાદ પણ પરીક્ષાઓમાં કોપી થવાનો ઘટનાક્રમ યથાવત છે.
સરકારી નોકરીઓ માટેની પરીક્ષાઓમાં ચોરી થવી સામાન્ય વાત
એક શખ્સે પરીક્ષામાં ચોરી કરવા આ જગ્યાએ સામગ્રી છુપાવી
પોલીસે તપાસ કરી તો પોલીસ કર્મીઓ માથું ખંજવાળતા રહીં ગયા
પરીક્ષામાં ચોરી કરવાના અનોખા પ્રયાસ
સોશિયલ મીડિયામાં એક વીડિયો વાયરલ થયો છે. જેમાં એક શખ્સે પરીક્ષામાં ચોરી કરવા માટે અનોખો પ્રયાસ કર્યો. જેનાથી તે પકડાઈ ના જાય. પરંતુ તેમ છતાં તે પકડાઈ ગયો. વાયરલ થયેલા આ વીડિયોને આઈપીએસ અધિકારી રૂપિન શર્માએ ટ્વિટર પર શેર કર્યો છે. વીડિયોની સાથે તેમણે કેપ્શનમાં લખ્યું છે, #UttarPradesh mein Sub-Inspector ની EXAM mein #CHEATING #nakalના આકરા પ્રયાસ. વીડિયોમાં તમે જોઈ શકો છો કે પોલીસે એક શખ્સને પકડ્યો છે અને તેના માથાના વાળ પર લગાવેલી વિગ નિકાળી રહી છે. જેમાં નકલની સામગ્રી છુપાવી છે. જેને પોલીસ મેટલ ડિટેક્ટરની મદદથી પકડી લીધો. આ શખ્સે પોતાના બંને કાનમાં નાના ઈયરફોન પણ લગાવ્યાં છે. જેને કોઈ પણ સરળતાથી જોઈ શકશે નહીં.
તો વિચારો કે લોકો પરીક્ષામાં ચોરી કરવા માટે કેટલી હદ સુધીના પ્રયાસ કરે છે. તેમ છતાં પકડાઈ જાય છે. કારણકે ચોરી કરવી ખોટી વાત છે અને ખોટી વસ્તુ છુપાવી શકાતી નથી. આ વીડિયો હવે સોશિયલ મીડિયામાં વાયરલ થઇ રહ્યો છે. લોકો તેની પર કોમેન્ટ પણ કરી રહ્યાં છે. એક યુઝરે લખ્યું, ચોરી કરવાની પરાકાષ્ટાને વટાવી નાખી.