શોકિંગ ઘટના / શંઘાઈના શબઘરમાં ચમત્કાર, મરેલો મનાતો કોરોના દર્દી અચાનક થયો જીવતો, ઘટનાનો વીડિયો વાયરલ

• શંઘાઈ હોસ્પિટલની ઘોર બેદરકારી સામે આવી 
• કડક લોકડાઉન હેઠળના ચીનના શંઘાઈની ઘટના
• કેર સેન્ટરમાં સિનિયર સિટિઝનને જાહેર કરાયા મરેલા
• શબઘરના કર્મચારીઓને પડ્યો વહેમ
• કફન ખોલીને જોયું તો દર્દીના ચાલતા હતા શ્વાસ 
• ઘટનાનો વીડિયો વાયરલ

કોરોના કેસમાં ઉછાળો આવતા હાલમાં ચીનનું શંઘાઈ શહેર કડક લોકડાઉન હેઠળ છે. આવી સ્થિતિમાં શંઘાઈની એક હોસ્પિટલમાં એક સિનિયર સિટિઝનને મરેલા માનીને શબઘર મોકલી દેવાયા હતા પરંતુ ત્યાં તેઓ જીવિત નીકળતા લોકો ચોંકી ઉઠ્યાં હતા. આ ઘટનાને પગલે સરકાર હરકતમાં આવી છે અને ઉચ્ચ સ્તરીય તપાસના આદેશ અપાયા છે.

બે કર્મચારીઓની સૂઝબૂઝથી દર્દીનો બચ્યો જીવ 

શબઘરની બહાર જ્યારે આ દર્દીનું સ્ટ્રેચર આવ્યું ત્યારે ત્યાં કામ કરતા બે દર્દીઓને દર્દી જીવતો હોવાનું લાગ્યું હતું અને તેમણે કફન ખોલ્યું હતું. શબઘરમાં કોરોનાના દર્દીના જીવતા થવાનો એક વીડિયો વાયરલ થયો છે. જેમાં જોઈ શકાય છે કે શંઘાઈના એક કેર સેન્ટરના શબઘરમાં બે વ્યક્તિઓ ઊભા છે અને સ્ટ્રેચર પર એક દર્દીની લાશ બાંધેલી જોઈ શકાય છે, બન્ને કર્મચારીઓ સ્ટ્રેચરની બાજુમાં ઊભા છે. પરંતુ આ દરમિયાન એક વ્યક્તિને શંકા પડી હતી અને તેણે બીજાને કહ્યું કે આ દર્દી જીવતો છે અને આપણે તેની તપાસ કરવી જોઈએ. ત્યાર બાદ બન્ને કફન ખોલીને દર્દીનું શરીર તપાસ્યું હતું અને તેમના આઘાત વચ્ચે દર્દી જીવતો નીકળ્યો હતો.ત્યાર બાદ બન્ને કર્મચારીઓ દર્દીને ફરી વાર કેર સેન્ટરમાં લઈ ગયા હતા અને તેને જરુરી સારવાર મળે તેવી વ્યવસ્થા કરાવી હતી. આ ઘટનાએ સરકાર અને લોકોને ડગાવી નાખ્યાં છે. 

ઘટનાનો વીડિયો વાયરલ 

આ ઘટનાનો એક વીડિયો વાયરલ થયો છે અને તેને જોયા બાદ લાખો લોકોએ તેની પર પ્રતિક્રિયા આપી હતી અને હોસ્પિટલની સામે કાર્યવાહી કરવાની માગ કરી હતી. 

🇨🇳😷⚡In #Shanghai amid lockdown, a dead resident was taken away to the morgue in a body bag when he suddenly revived. The staff member backs away and says: "He's alive. He's alive, I saw it. Don't cover him anymore." pic.twitter.com/yGwnK1tWIn

— Yin Sura 尹苏拉 (@yin_sura) May 2, 2022

શંઘાઈમાં હાલમાં કડક લોકડાઉન છે અને મરેલા કોરોના દર્દીની તાત્કાલિક વિધિ

શંઘાઈમાં હાલમાં કડક લોકડાઉન છે અને મરેલા કોરોના દર્દીની તાત્કાલિક વિધિ કરી નાખવામાં આવે છે અને આવી રીતે અતિ ઉતાવળમાં આ ઘટના બની છે જેને માટે હોસ્પિટલ અને ડોક્ટર સીધા જવાબદાર છે. 

હોસ્પિટલની ઘોર બેદરકારી 
 આ ઘટના હોસ્પિટલ અને ડોક્ટરોની બેદરકારીનું  ઉદાહરણ છે. ડોક્ટરોએ જોયા જાણ્યા વગર ઉતાવળમાં જીવતા દર્દીને મરેલો માનીને કફનમાં લપેટી લીધો હતો અને મડદાઘરમાં ધકેલી દીધો હતો.એ તો સારુ થયું કે બે કર્મચારીઓએ ડાઉટ પડ્યો અને તેનો જીવ બચી ગયો.