ઉત્તર પ્રદેશના બુલંદશહેરમાં એક યુવકે પોતાના હાથની આંગળી કાપી નાખી કારણ કે મતદાન દરમિયાન ભૂલથી તેણે ભારતીય જનતા પાર્ટી (BJP)ને વોટ આપી દીધો. વાસ્તવમાં વોટ આપતા સમયે તેણે હાથમાં ચૂંટણી ચિહ્ન બટન દબાવવુ હતુ, પરંતુ તેણે ભૂલથી કમળનુ બટન દબાવી દીધુ. જ્યારે તેને આ વાતનો અહેસાસ થયો ત્યારે તે દુખી થઇ ગયો અને ઘરે જઇને પોતાની જ આંગળી કાપી નાખી.
આ ઘટના બુલંદશહેરના શિકારપુર વિસ્તારની છે. કહેવાઇ રહ્યુ છે કે મતદાતા દલિત સમુદાયનો છે, એવામાં તે BSPનો સમર્થક છે. મતદાન સમયે તેને જ્યારે પોતાની ભૂલનો અનુભવ થયો ત્યાં સુધીમાં બટન દબાઇ ચૂક્યુ હતુ. જણાવી દઇએ કે, યુપીમાં SP-BSPનુ ગઠબંધન છે, એવામાં એક દલિત હોવાના કારણે તે બહુજન સમાજ પાર્ટીને વોટ આપવા ઇચ્છતો હતો.
જણાવી દઈએ કે લોકસભા ચૂંટણીનું બીજું ચરણ ગુરુવારે ઉત્તર પ્રદેશની આઠ સીટો પર મતદાન થયુ. જેમાં નગીના, અમરોહા, બુલંદશહેર, અલીગઢ, મથુરા, આગરા અને ફતેહપુરમાં વોટ નાખ્યા હતા. મતદાન દરમિયાન ઘણા સ્થાનો પર ઇલેક્ટ્રોનિક વોટિંગ મશીનોમાં ગરબડીના કારણે મતદાન પર અસર થવાની વાત સામે આવી હતી.