દિલ્હી: કહેવત છે ને કે રામ રાખે તેને કોણ ચાખે આવી કંઈક ઘટના બની છે દિલ્લીના શાસ્ત્રીનગર મેટ્રો રેલવે સ્ટેશન પર.જ્યાં એક વ્યક્તિ મેટ્રો સ્ટેશન પાસે ટ્રેક પર ઉતરીને પ્લેટફોર્મ બદલવાનો પ્રયાસ કરતા એક વ્યક્તિનો જીવ જતા જતા બચી ગયો છે.દિલ થંભાવી દેનારી આ ઘટના શાસ્ત્રીનગર સ્ટેશનની છે.
ડ્રાઈવરની સજાગતાના કારણે લાપરવાહી કરનાર શખ્સનો જીવ બચી ગયો.યુવક ટ્રેક પર ઉતરીને પ્લેટફોર્મ બદલી રહ્યો હતો અને બીજા ટ્રેક પર મેટ્રો ઉભી હતી.જોકે યુવક પ્લેટફોર્મ પર ચઢી રહ્યો હતો.તે સમયે ટ્રેન દોડવા લાગી હતી.
જોકે યુવક પ્લેટફોર્મ પરથી નીચે ઢસડાયો જોકે મેટ્રોના ડ્રાઈવરે સમય પર બ્રેક લગાવી દેતા યુવકનો જીવ બચી ગયો હતો.મયૂર પટેલ નામના આ યુવકની જ્યારે અધિકારીઓએ પૂછપરછ કરી ત્યારે તેને જણાવ્યું કે એક પ્લેટફોર્મથી અન્ય પ્લેટફોર્મ પર કેવી રીતે જવું તે જાણતો ન હતો..જેથી તે ટ્રેક ઉતરીને પ્લેટફોર્મ ચેન્જ કરી રહ્યો હતો.મહત્વનું છે કે મેટ્રો ટ્રેક પર ઉતરનાર વ્યક્તિને દંડ ફટકારવામાં આવે છે અને છ મહિનાની જેલની પણ જોગવાઈ છે.