હત્યા કરીને દફનાવ્યાં બાદ શખ્સે પોલીસમાં પત્નીની ગુમ થયાની ફરિયાદ નોંધાવી હતી. પત્નીની મોત બાદ શખ્સે બીજા લગ્ન કર્યા. છેલ્લાં 15 વર્ષથી તે આરામથી પોતાનુ જીવન જીવી રહ્યો હતો. પરંતુ હાલમાં આ મામલે ફરીથી તપાસ શરૂ કરવામાં આવી છે. આ વખતે શખ્સનો ભેદ ખુલી ગયો.
પત્નીને મારીને દાટી દીધી અને પોલીસને 15 વર્ષ સુધી ગુમરાહ કરતો રહ્યો
2008માં પત્નીને મોતને ઘાટ ઉતાર્યા બાદ આ શખ્સે બીજા લગ્ન કર્યા
આ મામલે પોલીસે ફરીથી તપાસ શરૂ કરતા આખો ભેદ ખુલ્યો
પત્નીની હત્યા કર્યા બાદ 15 વર્ષ સુધી પોલીસને ગુમરાહ કરતો રહ્યો
આ શખ્સનુ નામ વ્લાદિમીર ત્રેતાકોવ છે. તે 45 વર્ષનો છે. પત્નીની હત્યા કરી આ શખ્સ 15 વર્ષ સુધી પોલીસને ગુમરાહ કરતો રહ્યો. તેણે પોલીસને જણાવ્યું હતુ કે તેની પત્ની લાપત્તા છે. પરંતુ હવે 15 વર્ષ બાદ તેણે આ વાતને કબુલ કરી કે તેણે પત્નીની હત્યા કરી અને પછી તેને જંગલમાં દફનાવી દીધી. ત્યારબાદ તે બીજી મહિલાની સાથે નવુ જીવન જીવવા લાગ્યો. વ્લાદિમીરની પત્નીનુ મોત વર્ષ 2008માં થયુ હતુ. આ મામલો રશિયાનો છે. મીડિયાના એક રિપોર્ટ મુજબ ફોન પર વ્લાદિમીરને પોતાની 29 વર્ષની પત્ની ઝન્ના ત્રેતાકોવની હત્યા કરી હોવાની વાતની કબુલાત કરતા સાંભળવામાં આવ્યો હતો. જ્યારે પોલીસ સાથે વ્લાદિમીરનો આમનો-સામનો થયો હતો તો તેણે કહ્યું, હું બધુ કહી દઇશ. બસ મને જેલમાં ના નાખશો.
આ શખ્સે લાશને કારમાં મુકી અને જંગલમાં દાટી દીધી
તપાસકર્તાઓની સામે વ્લાદિમીરે કબુલ કર્યુ કે ચર્ચા દરમ્યાન તેણે પત્ની ઝન્ના સાથે મારપીટ કરી હતી. વ્લાદિમીરે કહ્યું, તે પડી ગઇ અને માથામાં ગંભીર ઈજા થવાથી તેનુ મોત થયુ હતુ. વ્લાદિમીરે અધિકારીઓને જણાવ્યું કે બાળકોથી લાશને છુપાવવા માટે તેને કપડામાં લપેટીને બાલકનીમાં રાખી દીધી હતી. રિપોર્ટમાં જણાવવામાં આવ્યું છે કે બીજા દિવસે વ્લાદિમીરે લાશને કારમાં મુકી અને તેને જંગલમાં જઇને દાટી દીધી ત્યારે વ્લાદિમીરે પત્નીની ગુમ થયાની ફરિયાદ પોલીસમાં નોંધાવી હતી. ઝન્ના અને તેના બે બાળકો છે, ત્યારે તે બંને 7 અને 5 વર્ષના હતા. વર્ષ 2008માં પોલીસે વ્લાદિમીરની પત્નીને ખૂબ શોધી હતી.