કોરોનાના આ કપરાકાળમાં લોકડાઉન લાગવાના સમાચારથી લોકો પરેશાન થઇ જાય છે અને વિચારવા લાગે છે કે હવે ફરી એક વખત તેમણે પોતાના ઘરમાં પુરાઈ રહેવુ પડશે. મોટાભાગના લોકો લોકડાઉનમાં માનસિક રીતે ખૂબ પરેશાન થઇ જાય છે, કારણકે તેમને સમજાતુ નથી કે આખરે આખો દિવસ ઘરમાં બેસીને તેઓ શું કરશે.
લોકડાઉન દરમ્યાન એક વ્યક્તિએ 145થી વધુ ડિગ્રીઓ મેળવી
16 દેશોના અલગ-અલગ વિશ્વ વિદ્યાલયોમાંથી મેળવી ડિગ્રી
અભ્યાસક્રમોને પ્રાપ્ત કરવા દરરોજ 20 કલાકથી વધુ સમય વિતાવ્યો
લોકડાઉનમાં એક વ્યક્તિએ 145થી વધુ પ્રમાણપત્ર પ્રાપ્ત કર્યા
કેરળમાં એક શખ્સે લોકડાઉનનો ફાયદો ઉઠાવી એવુ કામ કર્યુ કે જેની પર તમે વિશ્વાસ નહીં કરી શકો અને આ શખ્સના વખાણ કરશો. આ શખ્સે લોકડાઉન દરમ્યાન વિશ્વભરના અલગ-અલગ વિશ્વ વિદ્યાલયોમાંથી 145થી વધુ પ્રમાણપત્ર મેળવવાનો દાવો કર્યો છે. તિરૂવનંતપુરમના રહેવાસી શફી વિક્રમને દાવો કર્યો છે કે કોવિડ-19 પ્રેરિત લોકડાઉન દરમ્યાન લગભગ 16 દેશોના અલગ-અલગ વિશ્વ વિદ્યાલયોમાંથી 145થી વધુ પ્રમાણપત્ર પ્રાપ્ત કર્યા છે. એએનઆઈ સાથેની વાતચીતમાં વિક્રમને કહ્યું કે તેમણે લોકડાઉન દરમ્યાન તેની શરૂઆત કરી હતી અને આ અભ્યાસક્રમોને પ્રાપ્ત કરવા માટે દરરોજ 20 કલાકથી વધુ સમય વિતાવ્યો. તેમણે કહ્યું, લોકડાઉન સુધી એવી સ્થિતિ હતી. જ્યાં લોકો બહાર નિકળવામાં સક્ષમ નહોતા. મેં આ સમયનો સદુપયોગ કર્યો.
Kerala: Shafi Vikraman, a resident of Thiruvananthapuram, claims that he has earned over 145 certificates from various universities virtually from 16 countries
"I started doing them during the lockdown & spent more than 20 hours daily to complete these courses," he said (07.01) pic.twitter.com/uboPySvmJh
પોતાના અનુભવને જણાવી વિક્રમને કહ્યું કે પ્રારંભિક તબક્કામાં તેમને મળેલા કેટલાંક અભ્યાસક્રમ ખૂબ અઘરા હતા. પરંતુ ત્યારબાદ પૂર્ણ કર્યા બાદ તેમને અનુભવ થયો કે તેમના માટે આગળ જવાની આ સારી તક છે. તેમણે સમજાવ્યું, આ અભ્યાસક્રમોને પૂર્ણ કરવા માટે તમારે શૈક્ષણિક રીતે પ્રતિભાશાળી હોવુ જોઈએ અથવા પર્યાપ્ત સ્માર્ટ હોવુ જોઈએ. દરેક વ્યક્તિ આવુ કરી શકતુ નથી.