શહેરના રામોલ વિસ્તારમાં પ્રેમ સંબંધમાં હતાશ થયેલા યુવકે ગળે ફાંસો લગાવીને આત્મહત્યા કરી લેતાં ચકચાર મચી ગઇ છે. “જા ફાંસી લગા કે કૂત્તે કી મૌત માર જા, મુઝે તેરી કોઈ જરૂરત નહિ” તેવા શબ્દો પ્રેમિકાને યુવકે કહેતાં તેને લાગી આવ્યું હતું અને છ પાનાંની બે સ્યુસાઇડ નોટ લખીને આત્મહત્યા કરી લીધી હતી.
જો તું રૂપિયા નહીં આપે તો નિકાહ નહીં થવા દઈએ
ઉછીના પૈસા લઈને પણ ફિરદોસને ત્યાં મોકલાવતાે હતો
જો તું રૂપિયા નહીં આપે તો નિકાહ નહીં થવા દઈએ
શું છે મામલો?
મહારાષ્ટ્રમાં રહેતા ઇમ્તિયાઝ શેખે રામોલ પોલીસ સ્ટેશનમાં ફિરદોસ સગીરખાન પઠાણ, સલમાન પઠાણ, સગીરખાન પઠાણ, સલમાબાનું પઠાણ અને ઇરફાન વિરુદ્ધ આત્મહત્યાની દુષ્પ્રેરણાની ફરિયાદ કરી છે.
શું છે મામલો?
ઇમ્તિયાઝનો નાનોભાઇ મહેતાબ રામોલ વિસ્તારમાં રહેતો હતો. જ્યાં પડોશમાં રહેતી ફિરદોસ સાથે કેટલાંક વર્ષો અગાઉ પ્રેમસંબંધ બંધાયો હતો. જોકે બે વર્ષ અગાઉ ફિરદોસ તેની માતા સલમાબાનું અને પિતા સગીરખાન સાથે ઉત્તર પ્રદેશ રહેવા જતી રહી હતી. બાદમાં પણ બંને ફોનથી એકબીજા સાથે વાતચીત કરતાં હતાં. અને ફિરદોસ તેમજ સલમાબાનું મહેતાબને ફોસલાવીને તેની પાસે વારંવાર પૈસાની માગણી કરતાં હતાં.
ઉછીના પૈસા લઈને પણ ફિરદોસને ત્યાં મોકલાવતાે હતો
મહેતાબ પણ તેઓને અહીંથી પૈસા મોકલતો હતો. જો તેની પાસે ના હોય તો ઉછીના પૈસા લઈને પણ ફિરદોસને ત્યાં મોકલાવતાે હતો. જેની જાણ મહેતાબના ભાઇને થતાં બંને જણા ઉત્તર પ્રદેશ ફિરદોસના ઘરે ગયા હતા અને નિકાહની વાત કરી હતી. લોકડાઉનના કારણે મંદી હોવાથી એપ્રિલ ૨૦૨૧માં તેઓના નિકાહ કરવાનું નક્કી કરવામાં આવ્યું હતું
જો તું રૂપિયા નહીં આપે તો નિકાહ નહીં થવા દઈએ
બાદમાં કેટલાક દિવસ પછી મહેતાબનો તેના ભાઇ પર ફોન આવ્યો હતો અને કહ્યું હતું કે ફિરદોસના પિતા તેની પાસે રૂપિયા ત્રણ લાખની માગણી કરી રહ્યા છે. એટલું જ નહીં યુવતીના ભાઈ સગીરખાન, ઇરફાન પણ તેની પાસે રૂપિયાની માગણી કરી રહ્યા છે અને જો તું રૂપિયા નહીં આપે તો નિકાહ નહીં થવા દેવાની ધમકી આપી રહ્યા છે. ૩ ડિસેમ્બરે મહેતાબે ગળે ફાંસો ખાઇને આત્મહત્યા કરી લીધી હતી. જેથી તેનો ભાઇ મહારાષ્ટ્રથી અમદાવાદ આવ્યો હતો.
જા ફાંસી લગા કે કૂત્તે કી મૌત મર જા
મહેતાબે આત્મહત્યા કરતાં પહેલાં છ પાનાંની સ્યુસાઈડ નોટ લખી હતી. જેમાં તેણે લખ્યું હતું કે, તેની પ્રેમિકા કે જેની સાથે તેના નિકાહ થવાના હતા તેણે તેને પૈસા ન આપી શકતા તેણે કહ્યું હતું કે જા ફાંસી લગા કે કૂત્તે કી મૌત મર જા, મુઝે તેરી કોઈ જરૂરત નહિ. સ્યુસાઇડ નોટના આધારે રામોલ પોલીસે યુવતી, તેનાં માતા પિતા અને ભાઈ વિરુદ્ધ ગુનો દાખલ કરીને તપાસ શરૂ કરી છે.