વાયરલ / VIDEO : ખરો બાહુબલી, આખું બાઈક માથા પર મુકીને બસના છાપરા પર મૂક્યું, લોકોએ કહ્યું- મહા માનવ

• સોશિયલ મીડિયા પર બાહુબલીનો વીડિયો વાયરલ
• આખું બાઈક માથા પર મૂક્યું
• સહારા વગર બસના છાપરા પર મૂક્યું

સોશિયલ મીડિયા પર જાતજાતના વીડિયોનું ઘર. માથે થોડો ભાર ઉપાડતા પણ આપણુ આવી બને છે અને ફસકાઈ પડીએ છીએ પરંતુ વાયરલ થયેલા વીડિયોમાં એક વ્યક્તિ બાઈકને માથા પર મૂકીને બસના છાપરા પર ચડાવ્યુ હતું અને તે પણ કોઈ પણ જાતના સહારા વગર. આ ક્લિપને શુક્રવારે ટ્વિટર પર 'ગુલઝાર સાબ' નામના યુઝરે શેર કરી હતી અને ત્યારબાદ તેને 83,000થી વધુ વખત જોવામાં આવી છે. પોસ્ટના કેપ્શનમાં લખ્યું છે, "તેઓ ખરેખર સુપર હ્યુમન છે.

They are really super human 👏🔥❤️ pic.twitter.com/kNruhcRzE1

— ज़िन्दगी गुलज़ार है ! (@Gulzar_sahab) November 25, 2022

શું છે વાયરલ વીડિયોમાં 
વીડિયોમાં એક વ્યક્તિ માથા પર ભારે મોટરસાઇકલ લઇને બસ તરફ જતો જોવા મળી રહ્યો છે. એક સેકન્ડ પછી, તે બસની બાજુમાં મૂકવામાં આવેલી પાતળી સીડી પર તેના પગલાં ભરતો જોવા મળે છે અને બસમાં ટુ-વ્હીલર મૂકવા માટે સીધો તેની છત પર જાય છે. પોતાના માથા પર ભારે વાહનને સંતુલિત કરીને, તે માણસ કાળજીપૂર્વક એક પછી એક સીડી પર ચડ્યો. આખરે તે સફળતાપૂર્વક બસની છત પર પહોંચ્યો અને મોટરસાઇકલને બસની છત પર મૂકી દીધી.

લોકોએ કરી જાતજાતની કોમેન્ટ
વીડિયો વાયરલ થયા બાદ લોકોએ જાતજાતની કોમેન્ટ કરી હતી. કેટલાક યૂઝરે બાહુબલી તો કેટલાકે તેને સુપર હુમન ગણાવ્યો હતો.