મુંબઈની એક વ્યક્તિએ શહેરના યુવકને કેનેડાના વિઝા અપાવવાની લાલચ આપી અલગ અલગ બહાના બનાવી રૂ. આઠ લાખ પડાવી લેતા રાણીપ પોલીસ સ્ટેશનમાં છેતરપિંડીની ફરિયાદ નોંધાઈ છે.
રાણીપ વિસ્તારમાં આવેલ સ્વામિનારાયણ પાર્ક-3 માં રહેતા ધનેશ પટેલે એક શખ્સ વિરુદ્ધમાં છેતરપિંડી ફરિયાદ નોંધાવી છે. ફરિયાદમાં જણાવ્યા મુજબ ધનેષ અને તેનો મિત્ર સાઉન્ડ સિસ્ટમ પર લાઈવ પોગ્રામ ઇવેન્ટ્સ કરે છે. ધનેષને કેનેડા જવું હતું. જેથી તેને વિઝા જોઈતા હતા. જેથી ધનેષના એક મિત્ર કેનેડામાં રહે છે. તેઓએ મુંબઈના પંકજ કુમાર સિંઘ સાથે સંર્પક કરાવ્યો હતો.
ત્યારબાદ પંકજે ધનેષ કહ્યું કે વિઝા અને કેનેડા સુધી પહોંચાડવા સુધીનો ખર્ચો રૂપિયા 11 લાખ થશે અને અડધું પેમેન્ટ એડવાન્સ આપવું પડશે. બાકીના વિઝા આવી ગયા બાદ આપવું પડશે. જેથી ધનેષ પંકજ પર વિશ્વાસ આવી જતા ત્રણ મહિના દરમિયાનમાં અલગ અલગ તારીખે રૂપિયા આઠ લાખ કરી દીધા હતા.
પંકજે કહ્યું હતું કે એક મહિનામાં વિઝા આવી જશે પરંતુ વિઝા ન આવતા ધનેષ સંપર્ક કર્યો પરંતુ સરખો જવાબ ન આવતા તેની સાથે તેની રૂ. ૮ લાખની છેતરપિંડી કરી હતી. ધનેષ કોલ કરે તો તેને ધમકીઓ પણ આપતો હતો. 'મારા માણસ અમદાવાદમાં પણ છે પૈસા હવે ભૂલી જજે નહિ તારી હાલત ખરાબ કરી દઈશ' તેવી ધમકી આપતા રાણીપ પોલીસ સ્ટેશનમાં પંકજકુમાર સિંઘ વિરુદ્ધમાં ફરિયાદ નોંધવામાં આવી છે. પોલીસે ગુનો નોંધીને પંકજકુમારને ઝડપી પાડવાના ચક્રો ગતિમાન કર્યા છે.