ભલે તમારો ઈરાદો ખરાબ ન હોય પરંતુ ઓફિસમાં મહિલા કર્મચારીઓને તેમના નિક નેમથી અથવા હની, સ્વીટી, લવ કહીને બોલાવવું તમને ભારે પડી શકે છે.
ઓફિસમાં મહિલા કર્મચારીઓને આ નામથી ન બોલાવતા
આવા નામથી બોલાવવું પડી શકે છે ભારે
નોકરીમાંથી ધોવા પડી શકે હાથ
જો તમે પણ પોતાની ઓફિસમાં કામ કરતી મહિલા કર્મચારીઓને તેમના નામ ઉપરાંત કોઈ બીજા નામથી બોલાવો છો તો ચેતી જજો. ભલે તમારો ઈરાદો ખરાબ ન હોય પરંતુ ઓફિસમાં મહિલા કર્મચારીઓને તેમના નિક નેમથી અથવા હની, સ્વીટી, લવ કહીને બોલાવવું તમને ભારે પડી શકે છે. હકીકતે, હાલમાં જ મેનચેસ્ટ (Menchester)ની એક કંપનીએ પોતાની ત્યાં કામ કરનાર મેલ કર્મચારીને કાઢી મુક્યા છે.
નોકરીમાંથી ધોવા પડ્યા હાથ
કર્મચારીને ઓફિસની મહિલા કર્મચારીઓને હની, લવ, સ્વીટી વગેરે બોલવાના કારણે દોષી માનવામાં આવ્યો હતો. જ્યારે આ મામલાને લઈને વ્યક્તિએ કોર્ટનો દરવાજો ખટખટાવ્યો, કોર્ટે પણ કંપનીના નિર્ણયને યોગ્ય માન્યો.
કોર્ટે પણ લગાવી ફટકાર
કોર્ટે લોકોને વોર્નિંગ આપી કે ઓફિસમાં મહિલા કર્મચારીઓને આવા બધા નામોથી બોલાવવું અપમાન જનક છે. કોર્ટે પોતાના આ નિર્ણયમાં જણાવ્યું કે ઓફિસમાં મહિલા કર્મચારીઓને લવ બોલવું તેમની ઈન્સલ્ટ કરવા બરાબર છે.
મહિલા માટે અપમાન જનક છે આ બધા શબ્દો
જજે જણાવ્યું કે સ્વીટી, લવ અને હની જેવા શબ્દો મહિલાઓને અપમાનિત કરે છે. મહિલાઓ માટે આ શબ્દોને ઉપયોગ કરવો ખોટો છે. માઈક વિરૂદ્ધ કંપનીની ઘણી મહિલાઓએ ફરીયાદ કરી હતી.
કર્મચારીએ આપી આવી દલીલ
હકીકતે એક ફ્યુનરલ હોમના મેનેજર માઈકલ હાર્ટલે માઈક પર આરોપ હતો કે તે પોતાની સાથે કામ કરનાર કર્મચારી મહિલાઓને આ શબ્દોથી બોલાવતા હતા જે તેમના માટે ઈન્સલ્ટ હતી. નોકરીમાંથી કાઢી મુક્યા બાદ માઈકે મેનચેસ્ટર કોર્ટમાં અરજી દાખલ કરી હતી. માઈકે દલીલ કરી હતી કે તે ફક્ત મહિલાઓને જ નહીં પરંતુ પુરૂષ કર્મચારીઓને પણ મેટ અને પાલ જેવા શબ્દોથી બોલાવે છે. તેણે જણાવ્યું કે તેની પાછળ તેના કોઈ ખરાબ ઈરાદા ન હતા.
કોર્ટે કહી આ વાત
માઈકની દલીલ સાંભળ્યા બાદ કોર્ટે કહ્યું કે મહિલાઓ અને પુરૂષો માટે ઉપયોગમાં લેવામાં આવતા શબ્દોની પરસ્પર તુલના ન કરી શકાય. કોઈને મેટ અથવા પાલ બોલવુ ઈન્સલ્ટ નથી. પરંતુ મહિલાને લવ, હની, સ્વીટી અને બેબ્સ બોલવું તેમનું અપમાન છે. આ કારણે જ કંપનીનો નિર્ણય બિલકુલ યોગ્ય છે અને કોર્ટ તેને નહીં હટાવે.