કેરળમાં રહેનાર 74 વર્ષીય બાબૂ જોર્જ વાલાવી 43 વર્ષ પહેલા 3500 શેર્સ ખરીદીને ભૂલી ગયા હતા.
43 વર્ષ પહેલા શેર્સ ખરીદીને ભૂલી ગયો હતો આ વ્યક્તિ
આજે બની ગયો છે 1,448 કરોડનો માલિક
પરંતુ કંપની પૈસા આપવાનો આ કારણે કરી રહી છે ઈનકાર
ભગવાન જ્યારે આપે છે ત્યારે છપ્પડ ફાડીને આપે છે. આ કહેવત કેરળના એક કાકા માટે સાચી સાબિત થઈ છે. કેરળના કોચ્ચિમાં રહેતા વ્યક્તિ બાબૂ જોર્જ વાલાવીનું નસીબ એવી રીતે પલ્ટી મારી ગયું કે તે અરબપતિ બની ગયા. હકીકતે તેમણે વર્ષ 1978માં મેવાડ ઓયલ એન્ડ જનરલ મિલ્સ લિમિટેડના 3500 શેર ખરીદ્યા હતા. શેર ખરીદ્યા બાદ બાબૂ કંપનીમાં 2.8 ટકાના શેરહેલ્ડર બની ગયા હતા. પરંતુ 43 વર્ષ પહેલા આ શેર ખરીદીને તે ભૂલી ગયા હતા. હવે આ શેરની કિંમત 1,448 કરોડ રૂપિયા થઈ ગઈ છે.
વાલાવીના પૈસા નથી આપવા માંગતી કંપની
પરંતુ હવે કંપની તેના પૈસા નથી આપવા માંગતી. માટે બાબૂ અને તેના પરિવારના સદસ્ય કેસને SEBIની પાસે લઈ ગયા છે. દાવો છે કે કંપનીના શેરના અસલી માલિક તે છે.
શું છે સંપૂર્ણ મામલો?
આ સંદર્ભમાં બાબૂએ જણાવ્યું કે, 'જ્યારે તેમણે શેર ખરીદ્યા હતા. તે સમયે કંપનીના સંસ્થાપક ચેરમેન પીપી સિંધલ અને તે મિત્રો હતા. શેરની ખરીદી વખતે કંપની સૂચીબદ્ધ ન હતી અને કોઈ ડિવિડન્ડ ન હતી આપી રહી. માટે હું અને મારો પરિવાર આ રોકાણને ભુલી ગયા હતા.' વર્ષ 2015માં તેમને આ રોકાણ વિશે જાણ થયા બાદ ફરી તેમણે તપાસ શરૂ કરી. તે સમયે તેમને જાણ થઈ કે કંપનીનું નામ બદલીને હવે પીઆઈ ઈન્ડસ્ટ્રીઝ થઈ ગયું છે. જે લિસ્ટેડ કંપની છે.
કંપની પર લગાવ્યા આરોપ
આટલું જ નહીં, બાબૂએ કંપની પર આરોપ લગાવ્યા છે કે તેમણે વર્ષ 1989માં ગેરકાયદેસર રીતે નકલી પેપર્સ દ્વારા તેમના શેર કોઈ બીજાને વેચી દીધા. કંપનીએ પણ આ મામલાની તપાસ કરી. 2016માં પીઆઈ ઈન્ડસ્ટ્રીના બાબૂને મધ્યસ્થતા માટે દિલ્હી બોલાવવામાં આવ્યા હતા. પરંતુ બાબુએ જવાથી ઈનકાર કરી દીધો. મામલામાં કંપનીએ બાબૂના દસ્તાવેજની તપાસ કરવા મેટ ઓફિસરોને કેરળ મોકલ્યા હતા. કંપનીએ એવું પણ માન્યું કે બાબુની પાસે જે દસ્તાવેજ છે તે અસલી છે. પંરતુ તેમ છતાં કંપની તેમને પૈસા આપવા માટેનો ઈનકાર કરી રહી છે.