દિલ તુટ્યુ / બ્રેકઅપ બિલ: ગર્લફ્રૅન્ડે સાથ છોડ્યો તો બોયફ્રૅન્ડે મોકલ્યું 7 લાખનું બ્રેકઅપ 'ફરફરીયું', માગ્યો ચિપ્સ અને પાણીનો હિસાબ

• કપલ વચ્ચે બ્રેકઅપ થતાં બોયફ્રેન્ડે ભર્યુ કડક પગલું
• ગર્લફ્રેન્ડે સંબંધ તોડતા બોયફ્રેન્ડે બ્રેકઅપ બિલ બનાવ્યું
• ગર્લફ્રેન્ડ પાસે એક-એક રૂપિયાનો હિસાબ માંગ્યો

ગર્લફ્રેન્ડે સંબંધ તોડ્યો તો બોયફ્રેન્ડે મોકલ્યું બ્રેકઅપ બિલ

આ શખ્સની ગર્લફ્રેન્ડે જેવો તેની સાથે સંબંધ તોડ્યો તો બોયફ્રેન્ડે પણ કોઈ પણ શરમ રાખ્યા વગર બ્રેકઅપ બિલ બનાવીને તેના પર કરવામાં આવેલા ખર્ચનો એક-એક રૂપિયો પાછો માગ્યો. સાંભળવામાં આ થોડુ અજીબ લાગી રહ્યું છે પરંતુ હકીકતમાં આવુ થયુ છે. યુવકે કરેલ ખર્ચનુ બ્રેકઅપ બિલ અત્યારે ચીનના સોશિયલ મીડિયામાં ખૂબ લોકપ્રિયતા પ્રાપ્ત કરી રહ્યું છે. આ બિલમાં પાણીની બોટલથી લઇને ચિપ્સ અને બાકીના નાસ્તાનો પણ હિસાબ લખવામાં આવ્યો છે. આમ જોઈએ તો મામલો ગમે તેવો હોય પરંતુ યુવકની યાદશક્તિ અને ક્રિએટીવિટીની દાદ આપવી પડશે. 

ત્રણ પેજમાં બનાવ્યો ખર્ચનો હિસાબ

ચાઈનીઝ મીડિયા રિપોર્ટસ મુજબ આ મામલો શાંઘાઈનો છે. યુવક અહીંનો રહેવાસી છે અને તે એક યુવતીને એક વર્ષથી ડેટ કરી રહ્યો હતો. જ્યારે બંને વચ્ચેનો સંબંધ તૂટવાના આરે પહોંચ્યો તો યુવકે કડક પગલું ઉઠાવ્યું. તેણે કુલ ત્રણ પેજમાં ડેટિંગ દરમ્યાન કરેલ ખર્ચનો એક-એક રૂપિયાનો હિસાબ કરીને કોમ્પ્યુટરાઈઝ્ડ બિલ તૈયાર કર્યુ. આ બિલ રિલેશનશિપ દરમ્યાન દરરોજ ખર્ચાતા રૂપિયાનો હિસાબ હતો. ચીનના સોશિયલ મીડિયામાં આ યુવકનુ ડિટેઈલ બ્રેકઅપ બિલ ખૂબ વાયરલ થઇ રહ્યું છે. કેટલાંક લોકો તેના આ પગલાની નિંદા કરી રહ્યાં છે. અમુક લોકો યુવકની યાદશક્તિના ભરપૂર વખાણ કરી રહ્યાં છે.