પશ્ચિમ યુરોપીય દેશ બેલ્જિયમમાં એક યુવકની 8 વાર કોરોના વેક્સિન લેવાના આરોપસર ધરપકડ કરવામા આવી છે.
બેલ્જિયમમાં યુવાને લીધી 8 વાર કોરોના વેક્સિન
9મી વાર પણ વેક્સિન લેવા પહોંચ્યો
ત્યારે ભેદ ખુલ્યો અને ધરપકડ કરાઈ
બીજા લોકોને નકલી સર્ટિફિકેટ આપવા વેક્સિન ડોઝ લેતો રહ્યો
બેલ્જિયમમાં વેક્સિન છેતરપિંડીનો એક વિચિત્ર કિસ્સો સામે આવ્યો છે. લોકોને નકલી વેક્સિન સર્ટિફિકેટ આપવા માટે એક યુવાને 8 વાર વેક્સિનના ડોઝ લીધા અને તેમ છતાં પણ તેને કંઈ પણ ન થયું. પોલીસે વેક્સિન છેતરપિંડીના આરોપમાં આ યુવાનની ધરપકડ કરી છે.
9મી વાર વેક્સિનનો ડોઝ લેવા પહોંચ્યો ત્યારે ભેદ ખુલ્યો
ચોંકાવનારી વાત એ છે કે યુવક જ્યારે 9મી વખત વેક્સિન લગાવવા વેક્સિનેશન સેન્ટર પર પહોંચ્યો હતો ત્યારે તેની ધરપકડ કરવામાં આવી હતી.
બીજા લોકોને નકલી સર્ટિફિકેટ આપવા વેક્સિન ડોઝ લેતો રહ્યો બદલામાં તગડી રકમ પડાવતો રહ્યો
આ કિસ્સો વાલૂન પ્રાંતના 2 લાખની વસ્તી ધરાવતા શૉર્લરૉય શહેરનો છે. અહીં એક યુવક પૈસા લઈને અન્યના બદલામાં વેક્સિન લેતો ઝડપાયો છે. આરોપી વેક્સિન લીધા વિના વેક્સિનેશન સર્ટીફિકેટ ઇચ્છતા લોકોનો સંપર્ક કરતો હતો. આવા લોકો પાસેથી તગડી રકમ લઈને આરોપી પોતે તેની જગ્યાએ વેક્સિન લેવા જતો હતો. એકનો એક માણસ વારંવાર વેક્સિન લેવા આવતો જોઈને ત્યા હાજર રહેલા હેલ્થ વર્કરને શંકા પડી અને તેની કડક પૂછપરછ કરતા તેણે ભેદ ખોલી નાખ્યો હતો અને આ રીતે પોલીસને જાણ કરાઈ હતી ત્યાર બાદ પોલીસે ત્યાં આવીને તેની ધરપકડ કરી લીધી હતી.
શરીરમાં કોઈ આડ-અસર નહીં
ચોંકાવનારી વાત એ છે કે કોરોના વેક્સિનનો 8 વાર ડોઝ લેવા છતાં પણ આરોપી યુવાનને શરીરમાં કોઈ અસર થઈ નહોતી. આ કિસ્સા પરથી એક વાત સ્પસ્ટ બની છે કે વારંવાર કોરોના વેક્સિન લેવાથી શરીરમાં કંઈ આડઅસર થતી નથી.