કાવતરૂ / સાઉથ અભિનેત્રીની તસવીરો સાથે છેડછાડ, બદનામ કરનાર આરોપીની થઇ ધરપકડ, જાણો મામલો

• સાઉથ અભિનેત્રીની તસ્વીરો સાથે છેડછાડ
• આરોપી તસ્વીરોને એડિટ કરીને તેને અશ્લિલ તસ્વીરમાં ફેરવતો હતો
• આરોપીએ તસ્વીરોની સાથે અપમાનજનક કોમેન્ટ્સ પણ લખી

આરોપીએ અભિનેત્રીને સોશિયલ મીડિયામાં કરી બદનામ 

આરોપીએ આ તસ્વીરોને ટ્વિટરથી લઇને ઈન્સ્ટાગ્રામ, ફેસબુક સુધી આ એડિટેડ ઈમેજને શેર કરી. આ સાથે કેપ્શનમાં અભદ્ર ભાષાનો ઉપયોગ કર્યો. ઈન્ટરનેટ પર ટોલીવુડ અભિનેત્રીની ઈજ્જત સાથે ચેનચાળા કરનારા આ આરોપીની ઓળખ પંડિરી રામ વેન્કટ વીરરાજુના નામથી થઇ છે. રામ વેન્કટ 30 વર્ષનો યુવક છે, જે આંધ્ર પ્રદેશના કોન સીમાનો રહેવાસી છે. વેન્કટ પર આરોપ છે કે તેણે અભિનેત્રીનુ નામ ખરાબ કરવાનો પ્રયાસ તો કર્યો છે, પરંતુ સોશિયલ મીડિયામાં તેના અશ્લિલ ફોટો શેર કરી મહિલાને બદનામ કરવાનો પણ પ્રયાસ કર્યો છે. આરોપી વેન્કટે અભિનેત્રીની અલગ-અલગ તસ્વીરોને એડિટ કરીને તેને અશ્લિલ તસ્વીરોમાં ફેરવી નાખી. પછી આ તસ્વીરોને સોશિયલ મીડિયામાં પોસ્ટ કરીને આ તસ્વીરોની સાથે અપમાનજનક કોમેન્ટ્સ પણ લખી.

ઈમેજ ખરડાવવાનો કર્યો પ્રયાસ 

આરોપીએ આ તસ્વીરોને ટ્વિટરથી લઇને ઈન્સ્ટાગ્રામ, ફેસબુક સુધી આ એડિટેડ ઈમેજોને શેર કરી. આ સાથે કેપ્શનમાં અભદ્ર ભાષાનો ઉપયોગ કર્યો. આરોપીએ આ બધા માટે ટ્વિટર પર સાઈરાવી 267 યુઝરનેમથી એક ફેક એકાઉન્ટ ક્રિએટ કર્યુ. જ્યા પોસ્ટની સાથે તેણે તેલુગુ અભિનેત્રી અંગે ઘણી ખોટી વાત લખી. આરોપીએ ખૂબ ચતુરાઈપૂર્વક લોકપ્રિય અભિનેત્રીનો પીછો કર્યો. તેની દરેક મુવમેન્ટ પર નજર રાખી.