VIDEO: મોગલ માતા પર ટિપ્પણી મામલો:આરોપીઓના મેટ્રો કોર્ટે જામીન કર્યા મંજૂર

અમદાવાદ: સોશિયલ મીડિયામાં મોગલ માતા સામે અભદ્ર ટિપ્પણી કરવાના મામલે અમદાવાદ ક્રાઈમ બ્રાંચે 2 શખ્સોની ધરપકડ કરી હતી. ક્રાઈમ બ્રાંચે વિવાદીત ટિપ્પણી કરનાર મનીષ મહેરીયાની ધરપકડ કરી હતી. જોકે ક્રાઈમ બ્રાન્ચે રિમાન્ડની માગ ન કરતા આ બન્ને આરોપીએ જામીન માટે અરજી કરી હતી. કોર્ટે બન્ને આરોપી મનીષ મહેરીયા અને દિલીપદાન ગઢવીના જામીન મંજૂર કર્યા છે.  

ઉલ્લેખનીય છે કે ગઢવી સમાજ અને સમગ્ર ચારણ કુળની કુળદેવી ગણાતા એવા મોગલમાતા પર સોશિયલ મીડિયા પર બે આરોપી દ્રારા ફેસબુક પર અભદ્ર ટીકા ટીપ્પણી કરવાનાં મામલે સાયબર ક્રાઇમ બે આરોપી મનીષ મહેરિયા અને દિલીપદાન ગઢવી ની ધરપકડ કરી મેટ્રો કોર્ટમાં રજુ કરવામાં આવ્યાં હતાં. કોર્ટ અવલોકન કર્યું હતુ કે જે ફેસબૂક પર આરોપી દ્રારા મોગલ માતા પર અભદ્ર ટીકા કરી છે.

આપને જણાવી દઇએ કે એક વીડિયોના કારણે મોટો વિવાદ સર્જાયો હતો. જેમાં મોગલ માતાના એક વીડિયોની એફબી પોસ્ટમાં ટેગ થયેલા યુવકને અન્ય કેટલાક યુઝર્સ તરફથી જાનથી મારી નાંખવાની ધમકી મળી. બીજા  એક કિસ્સામાં મોગલ માતા વિષે અભદ્ર ટિપ્પણી થઈ હોવાથી ધાર્મિક લાગણી દુભાયાની ત્રણ યુઝર્સ સામે ફરિયાદ થઈ હતી. આ મામલે 2 લોકોની ક્રાઇમબ્રાંચે ધરપકડ કરી હતી.