રાજ્યમાં દારૂ બંધી હોવા છતાં બૂટલેગરો દારૂની હેરાફેરી કરવા માટે અવનવી રીત અપનાવતા હોય છે. અને વિદેશી દારૂનું વેચાણ કરતા હોય છે. આવામાં રાજકોટમાં દૂધના કેનમાં દારૂની હેરાફેરી કરતો શખ્સ તેમજ વડોદરામાંથી ડુડેલા ગામે દરોડા દરમિયાન લાખો રૂપિયાનો દારૂનો જથ્થો પોલીસના કબ્જે થયો છે. હવે અહિંયા પ્રશ્ન એ છે કે આટલી બધી તપાસ થતી હોવા છતાં મોટાપાયે દારુ પકડાઈ રહ્યું છે.
રાજ્યમાં દારુબંધી હોવા છતાં દારુ ઝડપાયુ્ં
રાજકોટ અને વડોદરા માંથી ઝડપાયું
દારૂનુ ગોડાઊન અને દૂધની કેનમાં દારુ ઝડપાયું
રાજકોટમાં અગાઉ પણ આવું થઈ ચૂક્યું છે અને ફરી દૂધની આડમાં દારૂની હેરાફેરી પકડાઈ છે. સુરેશ કાઢી નામનો શખ્સ દૂધના કેનમાં દારૂની હેરાફેરી કરતો હોવાની પોલીસને બાતમી મળતાં પોલીસે વોચ ગોઠવી સુરેશની ધરપકડ કરી દીધી હતી.
વડોદરામાં દારૂનું ગોડાઉન ઝડપાયું
વડોદરામાં વાઘોડિયાના ડુડેલા ગામે LCBએ ફાર્મ હાઊસમાંથી દારૂનુ ગોડાઉન ઝડપ્યું. દરોડા દરમિયાન લાખો રૂપિયાનો દારૂનો જથ્થો કબ્જે થયો છે. વાઘોડિયામાં 6 માસમાં ત્રીજુ દારૂનુ ગોડાઉન પકડાયું છે. LCBએ દિપક જયસ્વાલ નામના શખ્સને ઝડપ્યો જયારે મેહૂલ કહાર, વિપુલ ચાવડા નામના બે શખ્સો ફરાર થઈ ગયાં છે. પોલીસે દારૂનો જથ્થો કબ્જે લઈ ફરાર શખ્સોની શોધખોળ હાથધરી છે.