સાઉથ ઇન્ડિયન ફિલ્મોના સુપરસ્ટાર મલયાલમ એક્ટર મમૂટી 69 વર્ષના થઇ ચૂક્યા છે. મમૂટીનો જન્મ 7 સપ્ટેમ્બર 1951 અલપ્પુઝા કેરળમાં એક ખેડૂતના ઘરે થયો હતો. તેમનુ આખુ નામ મોહમ્મદ કુટ્ટી ઇસ્માઇલ પાનીપરામ્બિલ છે પરંતુ તેમણે પોતાનુ સ્ક્રીનનેમ મમૂટી રાખી લીધુ છે.
મમૂટી પાસે છે 369 કારનુ કલેક્શન
સાઉથના સુપરસ્ટાર છે મમૂટી
મોહન લાલ સાથે 56 ફિલ્મો કરી ચૂક્યા છે
મલયાલમ અને તામિળમાં ઘણી સુપરહિટ ફિલ્મ આપી ચૂકેલા મમૂટીને ગાડીઓનો ખુબ શોખ છે. તેમની પાસે 15 કે 20 નહી પરંતુ 369 ગાડીઓનુ કલેક્શન છે. જેમાં સસ્તી અને મોંઘી ગાડીઓ સામેલ છે.
મમૂટીએ કેટલાક વર્ષો પહેલા દેશની પહેલી ગાડી મારુતિ 800 ખરીદવાની ઇચ્છા જાહેર કરી હતી. મમૂટીએ પોતાની ગાડીઓ માટે અલગ ગેરેજ બનાવ્યુ છે અને તે પોતાની ગાડીઓને જાતે જ ડ્રાઇવ કરવાનુ પસંદ કરે છે.
તમને જણાવી દઇએ કે, મમૂટી સાઉથમાં પહેલી ઓડી ખરીદનાર સ્ટાર માનવામાં આવે છે. મમૂટીના કલેક્શનમાં મારુતિ 800ના 3 મૉડલ છે. મોગાસ્ટાર મમૂટીના કલેક્શનમાં જેગુઆર XJ-L સૌથી લેટેસ્ટ છે. આ ગાડીના બંને વર્ઝન મમૂટી પાસે છે. તેમની મોટાભાગની ગાડીઓના નંદરમાં 369 હોય જ છે.
આ સિવાય મમૂટીના કલેક્શનમાં ટોયોટા લેન્ડ ક્રુઝર, ફરારી, મર્સિડીઝ, ઓડીના ઘણા બધા મોડલ, ફોર્ચુનર, મિની કૂપર, પજેરો, ફોક્સવેગન, અને ઘણી SUV છે.
પર્સનલ લાઇફ
મમૂટીના પરિવારની વાત કરીએ તો તેમણે 1979માં સુલફત સાથે લગ્ન કર્યા હતા. તેમને બે બાળકો છે એક દુલકર સલમાન અને દીકરી કુટ્ટી સુરુમી. દુલકર સલમાન પણ સાઉથના સુપરસ્ટાર છે.
દુલકર સલમાને 22 ડિસેમ્બર 2011ના રોજ આર્કિટેક્ટ અમાલ સૂફિયા સાથે લગ્ન કર્યા કે જે નોર્થ ઇન્ડિયન મુસ્લિમ છે અને બાદમાં સાઉથ ઇન્ડિયામાં શિફ્ટ થઇ હતી. 2017માં દુલકર એક દીકરીના બાપ બન્યા હતા
મમૂટી ઘરમાં સૌથી મોટા છે, તેમને 2 ભાઇ અને 2 બહેન છે. તેમણે શરૂઆતનુ ભણતર સરકારી શાળામાં પતાવ્યુ અને 1960માં તે એર્નાકુલમ શિફ્ટ થઇ ગયા. બાદમાં તેમણે LLB કર્યું.
મમૂટી સાઉથના સુપરસ્ટાર મોહનલાલના ખાસ મિત્ર છે. બંનેએ 56 ફિલ્મોથી વધુમાં સાથે કામ કર્યુ છે. યંગ એજમાં મમૂટીને સિગરેટ પિવાની લત હતી પરંતુ બાળકો માટે તેમણે એ પણ છોડી દીધી.