ચૂંટણી રેલી / નડ્ડા, ચઢ્ઢા, ફડ્ડા બાદ મમતા દીદીનો વધુ એક વીડિયો વાયરલ, જોઈને પેટ પકડી હસવા લાગશો

• પશ્ચિમ બંગાળની વિધાનસભાની ચૂંટણી પહેલા ભાજપ અને ટીએમસી વચ્ચે આરોપ-પ્રત્યારોપ
• વાઈરલ વીડિયોમાં મમતા હંબા-હંબા,રંબા-રંબા, કમ્મા-કમ્મા બોલતા દેખાયા
• હું એટલી નબળી નથી કે ભાજપથી ડરી જાઉ- મમતા બેનરજી

પશ્ચિમ બંગાળની વિધાનસભાની ચૂંટણી પહેલા ભાજપ અને ટીએમસી વચ્ચે આરોપ-પ્રત્યારોપ ચાલી રહ્યાં છે. એક બાજુ ભાજપના રાષ્ટ્રીય અધ્યક્ષ જેપી નડ્ડા તો બીજી બાજુ મુખ્યપ્રધાન મમતા બેનેરજી છે.

નડ્ડાને કહી દીધા ચડ્ડા, ફડ્ડા, ભડ્ડા
મમતાનો આ ફની વીડિયો બીજી વાર વાઈરલ થયો છે. આ પહેલા ડિસેમ્બરમાં જ્યારે જેપી નડ્ડાના કાફલા પર પથ્થરમારો થયો ત્યારે પણ મમતાએ તેને ભાજપનું નાટક ગણાવીને નડ્ડાને કહી દીધા ચડ્ડા, ફડ્ડા, ભડ્ડા ગણાવી દીધા હતા.

મમતાએ કહ્યું હતું કે ભાજપ પાસે બીજું કોઈ કામ નથી. ગૃહમંત્રી વારંવાર અહીં આવે છે, બાકીના સમયે તો તેમના ચડ્ડા, ફડ્ડા, ભડ્ડા અહીં હાજર હોય જ છે.જ્યારે તેમની પાસે કોઈ દર્શક હોતા નથી ત્યારે તેઓ કાર્યકરોને નાટક કરવાનું જણાવે છે. 

બંગાળી વાઘણુ છું, ભાજપથી ડરવાની નથી
મમતા બેનરજીએ મુર્શિદાબાદની રેલમા પોતાની જાતને બંગાળની વાઘણ ગણાવતા કહ્યું હતું કે હું એટલી નબળી નથી કે ભાજપથી ડરી જાઉ. જ્યાં સુધી જીવતી રહીશ ત્યાં સુધી રોયલ બંગાલ ટાઈગરની જેમ જ રહીશ. 

મમતા બેનરજીએ ભાજપની બહારની પાર્ટી પણ ગણાવી હતી. મમતાએ કહ્યું કે વિદાઈ દાઓ, વિદાય દાઓ, ભાજપ કે વિદાઈ દાઓ. ભાજપે ભારતને સ્મશાન બનાવી દીધું છે. તેઓ બંગાળને પણ આવું જ બનાવવા માગે છે. અમે આવું નહીં થવા દઈએ.