રાજનીતિ / મમતા બેનરજીએ મોદી સરકારને લખ્યો પત્ર, આ કામ માટે માગી આર્થિક સહાય

ઉલ્લેખનીય છે કે, તૃણમુલ કોંગ્રેસના નેતાએ ભ્રષ્ટાચાર અને ગુનાઓને રોકવા માટે ચૂંટણી સુધારપત્રમાં લખ્યું છે, સમય આવી ગયો છે કે, સરકાર ચૂંટણી માટે આર્થિક સહાય ઉપલબ્ધ કરાવે જે રીતે 65 રાષ્ટ્રોમાં થઇ રહ્યું છે. 

West Bengal Chief Minister Mamata Banerjee writes to Prime Minister Narendra Modi over "electoral reforms to prevent corruption & criminality". Letter states, "time has come for government funding of elections which is the norm in 65 countries". pic.twitter.com/zo1MgIZaLY

— ANI (@ANI) July 26, 2019

પત્રમાં બેનરજીએ આ વર્ષે થયેલી લોકસભાની ચૂંટણીઓમાં ચૂંટણી ખર્ચ પર ચિંતા વ્યક્ત કરી છે. મમતાએ 2019ના લોકસભા ચૂંટણીના ખર્ચને લઇને એક અહેવાલનો હવાલો આપતા કહ્યું છે કે, આ દુનિયાની સૌથી મોંઘી ચૂંટણી હતી. રિપોર્ટનો હવાલા આપતા બેનરજીએ લખ્યું છે કે વર્ષ 2019 ની ચૂંટણી ખર્ચમાં વર્ષ 2014 માં થયેલી લોકસભાની ચૂંટણીઓનો ખર્ચ બમણો છે. આ ચૂંટણીમાં ઓછામાં ઓછા 60 હજાર કરોડ રૂપિયા ખર્ચ્યા છે. મમતાએ લખ્યું છે કે તેની ઉપરની સીમા ખબર નથી.

આપને જણાવી દઇએ કે, ભારતમાં સ્વતંત્ર, પારદર્શી તથા નિષ્પક્ષ ચૂંટણી માટે ચૂંટણી પ્રક્રિયામાં તાત્કાલિક અસરથી સુધારો લાવવાની જરૂર છે. બેનર્જીએ ચૂંટણીમાં ભ્રષ્ટાચાર પર ચિંતા વ્યક્ત કરતા પ્રધાનમંત્રી પાસે પબ્લિક ફંડ મુદ્દે સર્વદળીય બેઠક બોલવવાની અપીલ કરી હતી. તેમણે કહ્યું કે, ભારતમાં નિષ્પક્ષ, સ્વતંત્ર તથા પારદર્શી ચૂંટણી માટે ભ્રષ્ટાચારને મુળથી ઉખાડી ફેંકવાનો ઉદ્દેશને ધ્યાનમાં રાખીને આ બેઠક બોલાવવામાં આવી છે.