ઈંધણ સામે E-સ્કુટર / ઈંધણના ભાવ વધારાનો વિરોધ કરવા મમતા બેનરજીએ અપનાવ્યો આ અનોખો અંદાજ, લોકો થયા આફરીન

• મમતા કોલકત્તાના મેયર ફિરહાદ હકીમના ઈ સ્કૂટર પર બેસીને વિધાનસભા પહોંચ્યાં 
• મમતાએ હેલ્મેટ અને માસ્ક અને ગળામાં મોંઘવારીનું પોસ્ટર લટકાવ્યું 
• વિધાનસભા પહોંચ્યા બાદ કેન્દ્ર સરકાર પર આકરા પ્રહાર કર્યાં 

પોતાના પરંપરાગત પરિધાન કોટનની સાડીમાં સજ્જ થયેલા મમતા કોલકત્તાના મેયર ફિરહાદ હકીમના ઈ સ્કૂટર પર પાછળ બેસીને વિધાનસભા પહોંચ્યા હતા. મમતાએ હેલ્મેટ અને માસ્ક પણ પહેર્યું હતું તથા ગળામાં મોંઘવારીનું પોસ્ટર લટકાવ્યું હતું. તેમની આ ઈલેક્ટ્રીક સ્કૂટર રેલીની પાછળ બીજા પણ લોકો જોડાયા હતા. મમતા બેનરજીનો વિરોધ કરવાનો આ અનોખો માર્ગ લોકોને ખૂબ પસંદ પડ્યો છે. હરીશ ચેટરજી સ્ટ્રીટથી શરુ થયેલી મમતાની આ ઈ બાઈક રેલી વિધાનસભા સુધી ચાલી હતી. 

પેટ્રોલ અને ડીઝલના વધી રહેલા ભાવને કારણે દેશ બેકફૂટ પર

વિધાનસભા પહોંચ્યા બાદ મમતા બેનરજીએ કેન્દ્ર સરકાર પર ઉગ્ર પ્રહારો કર્યાં હતા. તેમણે કહ્યું કે નોટબંધી, પેટ્રોલ અને ડીઝલના વધી રહેલા ભાવને કારણે દેશ બેકફૂટ પર જઈ રહ્યો છે. તેને માટે વડાપ્રધાન મોદી અને અમિત શાહ જવાબદાર છે. તેઓ નેતાજી અને સરદાર પટેલના નામે બનેલા સ્ટેડિયમના નામ બદલી રહ્યાં છે. ઘણો ખેદ છે કે તેઓ કોઈ દેશનું નામ પણ બદલી શકે છે. 

#WATCH | West Bengal Chief Minister Mamata Banerjee travels on an electric scooter in Kolkata as a mark of protest against rising fuel prices. pic.twitter.com/q1bBM9Dtua

— ANI (@ANI) February 25, 2021

મોદી સરકાર દરરોજ રસોઈ ગેસ અને પેટ્રોલ-ડીઝલના ભાવ વધારે છે. આ ચિંતાનો વિષય છે. કેન્દ્ર સરકાર થોડા દિવસ ભાવ ઓછા કરશે ખાસ કરીને ત્યારે કે જ્યારે ચૂંટણી હોય. 

સરકાર લોક, મહિલા, ખેડૂત અને યુવા વિરોધી

બેનરજીએ કહ્યું કે દેશમાં કેરોસીન ઉપલબ્ધ નથી. બંગાળમાં એક કરોડ લોકો તેનો ઉપયોગ કરે છે. પેટ્રોલ-ડીઝલના ભાવો વધી રહ્યાં છે ગત રાતે પણ વધ્યાં અને તેને કારણે મેં ઈલેક્ટ્રીક સ્કૂટર પર જવાનો નિર્ણય કર્યો છે. મોદી દેશને વેચી રહ્યાં છે. સરકાર લોક, મહિલા, ખેડૂત અને યુવા વિરોધી છે. આ સરકાર જાય તેવી અમારી ઈચ્છા છે.