પશ્ચિમ બંગાળ / મમતા બેનર્જીએ ગુમાવ્યો પિત્તો, અધવચ્ચે ભાષણ રોકી અધિકારીઓને ખખડાવ્યા, જુઓ VIDEO

• પશ્ચિમ બંગાળના મુખ્યમંત્રીએ સરકારી કાર્યક્રમ દરમિયાન DMને ઠપકો આપ્યો 
• સરકારી કાર્યક્રમમાં સંબોધન અધવચ્ચે અટકાવી મમતા બેનર્જીએ DMને ખખડાવ્યા 
• હું સ્થાનિક લોકો માટે 15,000 ગરમ કપડાં-ધાબળા લાવી, કયા મૂક્યા ? : મમતા 

પશ્ચિમ બંગાળના મુખ્યમંત્રી મમતા બેનર્જીએ એક સરકારી કાર્યક્રમ દરમિયાન કલેક્ટરને ઠપકો આપતા જોવા મળ્યા હતા. વાત જાણે એમ હતી કે, એક સરકારી કાર્યક્રમમાં પોતાનું સંબોધન અધવચ્ચે અટકાવ્યું અને ત્યાં હાજર અધિકારીઓને ઠપકો આપ્યો. આ કાર્યક્રમમાં મુખ્યમંત્રી ધાબળા અને ગરમ વસ્ત્રોનું વિતરણ કરવાના હતા, પરંતુ ત્યાં સુધી સામગ્રી પહોંચી ન હતી. જેથી મમતા બેનર્જી ગુસ્સે થઈ ગયા અને પછી તેઓ જાહેરમાં ડિસ્ટ્રિક્ટ મેજિસ્ટ્રેટ (DM)ને ઠપકો આપતા જોવા મળ્યા. આ કાર્યક્રમ ઉત્તર 24 પરગણા જિલ્લામાં આયોજિત કરવામાં આવ્યો હતો, જ્યાં તૃણમૂલ કોંગ્રેસના સાંસદ નુસરત જહાં અને બંગાળના મુખ્ય સચિવ ડૉ. હરિ કૃષ્ણ દ્વિવેદી પણ હાજર હતા.

જાણો શું હતો સમગ્ર મામલો ? 

મમતા બેનર્જીએ સ્થાનિક લોકોની હાજરીમાં જિલ્લા મેજિસ્ટ્રેટ શરદ દ્વિવેદીને વહેલામાં વહેલી તકે કેમ્પસમાં કપડાં લાવવાની વ્યવસ્થા કરવા જણાવ્યું હતું. હિંગલગંજમાં આયોજિત આ કાર્યક્રમમાં હજારો લોકો આવ્યા હતા. સરકારી યોજનાઓના લાભો અને જાતિના પ્રમાણપત્રોના વિતરણ માટે આયોજન કરવામાં આવ્યું હતું. બેનર્જીએ દ્વિવેદીને કહ્યું, 'હું સ્થાનિક લોકો માટે 15,000 ગરમ કપડાં, ધાબળા લાવી. તમે તેમને ક્યાં મૂક્યા છે? તે તરત મારી પાસે લાવો. જ્યાં સુધી તમે તેને નહીં લાવો ત્યાં સુધી હું કાર્યક્રમમાં આગળ નહીં વધુ…હું અહીં રાહ જોઈશ.

No,She is not just a Chief Minister! She scolds like an elder sister, if anyone makes a mistake.She embraces everyone like a mother. It is never possible for a person to handle everything.Yet Didi looks after everything and thinks about everyone.
Love you @MamataOfficial Didi ❤️ pic.twitter.com/U9yjNWwl26

— Sanghamitra Bandyopadhyay (@AITCSanghamitra) November 29, 2022

મહત્વનું છે કે, મુખ્યમંત્રી બે દિવસીય પ્રવાસે જિલ્લામાં પહોંચ્યા છે. તેમણે ડીએમ અને અન્ય અધિકારીઓને આવી ભૂલો માટે કડક કાર્યવાહીની ચેતવણી પણ આપી હતી. તેમણે કહ્યું, 'મને માફ કરશો, પરંતુ જો ડીએમ અને બ્લોક ડેવલપમેન્ટ ઓફિસર તેમની જવાબદારી યોગ્ય રીતે નિભાવશે નહીં, તો મારે કાર્યવાહી કરવી પડશે.' લગભગ 15 મિનિટ બાદ કેમ્પસમાં શાલ લાવવામાં આવી હતી. ત્યારબાદ મુખ્યમંત્રીએ જાહેરાત કરી કે, તે સ્થાનિક મહિલાઓમાં 1,000 શાલનું વિતરણ કરશે.