'દીદી' ફિટનેસની સાથે સાથે જ કરી લે છે આ તમામ કામ. જાણીને તમને પણ લાગશે નવાઈ.
આવો છે મમતા બેનર્જીનો ફિટનેસ પ્લાન
ટ્રેડ મિલ પર ચાલતી સમયે કરી લે છે આ તમામ કામ
ટ્રેડ મિલ પર દોડતા જ બનાવ્યું બજેટ
પશ્ચિમ બંગાળની મુખ્યમંત્રી અને તૃણમૂલ કોંગ્રેસની પ્રમુખ મમતા બેનર્જીએ કહ્યું કે તેઓએ ટ્રેડ મિલ પર દોડતી સમયે જ બજેટ બનાવ્યું છે. જ્યારે આપણે દોડીએ છીએ તો મગજ પણ ઝડપથી કામ કરે છે. તેઓએ કહ્યું કે મિલ પર ચાલતી સમયે હું પેપર વાંચુ છુ અને જે વિચારવાનું હોય તે પણ પ્લાન કરી લઉં છું.
ફિટનેસ પ્લાનમાં આ 2 વાતને ગણાવી મુખ્ય
મમતા બેનર્જીએ કહ્યું કે તેઓ ફિટનેસ માટે 12 કિમી ટ્રેડ મિલ અને 10 કિમી વોક કરે છે. તેમનું માનવું છે કે ચાલવાથી મગજ ફાસ્ટ ચાલે છે અને આ સમયે સાથે જ અનેક મહત્વના કામ પણ કરી લેવાય છે. વોક કરતી સમયે તેઓ અનેક મુદ્દાઓને લઈને વિચાર પણ કરી લે છે.
બંગાળના લોકો બંગાળને કંટ્રોલ કરશે
ટીએમસી પ્રમુખે કહ્યું કે અમે કોઈ પણ ભારતીયને બહારના કહેતા નથી. પણ જે બહારથી આવે છે અને ગુંડાગીરી કરે છે તેને અમે બહારના કહીએ છીએ. અમારે ત્યાં દરેક રાજ્યોના લોકો છે અને કોઈ પણ મુશ્કેલી થતી નથી. અમે બહારથી આવીને કોઈને લૂટવા નહીં દઈએ. કોઈ દિલ્હીથી બંગાળને શા માટે કંટ્રોલ કરે, અહીં બંગાળના લોકો બંગાળને કંટ્રોલ કરશે. કોઈ રાજ્ય એ પસંદ નહીં કે કે કોઈ દિલ્હીથી તેને કંટ્રોલ કરે.
કેન્દ્રની નથી મળી રહી મદદ
ટીએમસી નેતાએ સ્પષ્ટતા કરી કે અમે પહેલાં પણ ઘું કરી ચૂક્યા છે. કોરોનામાં પણ કેન્દ્રએ રૂપિયા આપ્યા નથી. અમ્ફાન તૂફાનમાં પણ કેન્દ્રએ રૂપિયા આપ્યા નથી, તેમ છતાં અમે લોકોની મદદ કરી છે. મમતા બેનર્જીએ કહ્યું કે એમએસએમઈમાં બંગાળ 1 નંબર પર છે અને આ આંકડા કેન્દ્ર સરકારના છે. સ્કીલ ઈન્ડસ્ટ્રી, ઈ ગર્વનેંસમાં નંબર વન છે.