રાજનીતિ / મમતા બેનર્જીએ આડકતરી રીતે PM મોદી સાધ્યું નિશાન, કહ્યું- આ ગુજરાત કે યુપી નથી પરંતુ...

• મમતા બેનર્જીએ આડકતરી રીતે PM મોદી સાધ્યું નિશાન
• કહ્યું ગુજરાત કે યુપી નથી આ બંગાળ છે
• PM કેયર્સ પર ઉઠાવ્યા સવાલ 

મમતા બેનર્જીએ પ્રધાનમંત્રી નરેન્દ્ર મોદી અને તેમના ભાષણને લઇને આકરા પ્રહાર કર્યા હતા. એક પત્રકાર પરિષદને સંબોધન કરતા મમતા બેનર્જીએ કહ્યું કે, અમે સંવિધાન પ્રમાણે ચાલીએ છી

એ. રાજ્ય સરકાર એક અમલીકરણ સત્તા છે, તો શું આપણે ભાજપના મંતવ્યને અનુસરવું જોઈએ? 

રાજ્યમાં કોઇ યોજના ચાલી રહી હોય તો ફરી તેનો અમલ કેવી રીતે કરવો?

રાજ્યમાં પહેલેથી જ કોઈ યોજના ચાલી રહી છે, તો પછી આપણે આવી જ યોજના કેમ ચલાવીશું? કારણ કે ભાજપ કહે છે? તેમને ક્યાંથી ફંડ મળે છે? આ સમગ્ર રાજ્ય સરકારના ટેક્સના પૈસા છે. અમે અમારી યોજનામાં 100 ટકા ફંડ આપીએ છીએ, પરંતુ રાજ્ય સરકારોએ તેમની યોજનાઓ માટે ચૂકવણી કરવી પડે છે. 

બંગાળ ગુજરાત નથી કે ન તો UP

મમતા બેનર્જીએ આકરા અંદાજમાં કહ્યું કે, બંગાળ ગુજરાત નથી કે ન તો ઉત્તર પ્રદેશ છે. બંગાળ એ માત્ર બંગાળ છે. બહારના કેટલાક ગુંડાઓ દસ્તક આપવા લાગ્યા છે. મમતા બેનર્જીએ કડક સ્વરમાં કહ્યું કે બંગાળ ગુજરાત કે યુપી નથી. બંગાળ બંગાળ છે. એક વાત કાન ખોલીને સાંભળી લો કે તમે સંઘીય માળખાને તોડફોડ કરી શકતા નથી. મમતાએ કેન્દ્ર સરકાર પર નિશાન સાધ્યું હતું. મુખ્યમંત્રીએ કહ્યું કે તેઓ (કેન્દ્ર સરકાર) કેન્દ્રીય એજન્સીઓ દ્વારા અમારી સરકારને ખલેલ પહોંચાડવાનો પ્રયાસ કરી રહ્યા છે. મને ખબર છે કે તેઓ ચૂંટણી પૂર્વે તેઓ આવું કરી શકે છે. 

PM કેયર્સ પર ઉઠાવ્યા સવાલ 

પશ્ચિમ બંગાળના મુખ્યમંત્રીએ પીએમ કેયર્સ ફંડ પર સવાલ ઉઠાવ્યા હતા. તેમણે પૂછ્યું કે પીએમ કેરેસ ફંડના કરોડો કરોડોનું શું થયું. તેનું ઓડિટ કેમ નથી થઈ શકતું?