પશ્ચિમ બંગાળની સીએમ મમતા બેનર્જીએ આજે એક નિવેદન આપતા કહ્યું હતું કે તે વિધાનસભાની ચૂંટણીઓમાં ગોલકીપરની મુખ્ય ભૂમિકામાં છે અને ભાજપ એક પણ ગોલ કરી શકવામાં સફળ નહિ થઇ શકે.
મોદી સરકાર પર મમતા બેનરજીના આકરા પ્રહાર
મમતા બેનરજીની પુત્રવધૂ રુજીરા સામે ચાલી રહી છે સીબીઆઇ તપાસ
પશ્ચિમ બંગાળમાં ભાજપ અને ટીએમસી વચ્ચે વધી રહી છે પ્રતિસ્પર્ધા
પશ્ચિમ બંગાળના મુખ્યમંત્રી મમતા બેનર્જીએ તેમના ભત્રીજા અભિષેક બેનર્જીની પત્નીની સીબીઆઈ પૂછપરછને લઈને ભાજપ પર નિશાન સાધ્યું છે. તેમણે વડા પ્રધાન નરેન્દ્ર મોદી માટે 'દૈત્ય' અને 'દંગાબાઝ' જેવા શબ્દોનો ઉપયોગ પણ કર્યો હતો.
પીએમ મોદી માટે વાપર્યા અપશબ્દો
કોલકાતાના હુગલીમાં તૃણમૂલ કોંગ્રેસની રેલી દરમિયાન મમતાએ કહ્યું કે, પીએમ નરેન્દ્ર મોદી દેશના સૌથી મોટા દંગાબાઝ છે. આ શબ્દનો ઉપયોગ ભાજપ દ્વારા તૃણમૂલ કોંગ્રેસ વિરુદ્ધ વપરાતા તોલાબાઝ શબ્દનો જવાબ માનવામાં આવે છે. બંગાળમાં ત્રણ મહિના પછી વિધાનસભાની ચૂંટણીઓ યોજાવાની છે અને ભાજપ અને ટીએમસી વચ્ચે શબ્દોનું યુદ્ધ હવે વધુ તીવ્ર થયું છે.
મમતા બેનરજી એમ પણ ઘોષણા કરી હતી કે યુએસના પૂર્વ રાષ્ટ્રપતિ ડોનાલ્ડ ટ્રમ્પથી પણ વધુ ખરાબ સમય પીએમ મોદી માટે રાહ જોઈ રહ્યો છે. મહત્વનું છે કે 2020ના નવેમ્બરમાં રાષ્ટ્રપતિ પદની ચૂંટણી હારી ગયા હતા. પશ્ચિમ બંગાળના મુખ્ય પ્રધાને કહ્યું કે વિધાનસભાની ચૂંટણીમાં તેઓ ગોલકીપરની મુખ્ય ભૂમિકામાં છે અને ભાજપ એક પણ ગોલ કરી શકશે નહીં. સીબીઆઇ દ્વારા મમતાના ભત્રીજા અભિષેક બેનર્જીની પત્ની રૂજીરાની પૂછપરછના એક દિવસ બાદ મમતા બેનરજીએ આ હુમલો કર્યો હતો.
અભિષેક બેનરજીની પત્નીની કરવામાં આવી હતી પૂછપરછ
આ પૂછપરછ કોલસા માફિયાઓ પાસેથી લાંચ લેવાના આરોપો હેઠળ કરવામાં આવી હતી. આ મામલે અભિષેક બેનર્જીની સાળીથી પણ પ્રશ્નો પૂછવામાં આવ્યા છે. મુખ્યમંત્રીએ સવાલ ઉઠાવ્યો કે તમે મને મરાવી શકો છો, મને થપ્પડ મારી શકો છો, પરંતુ શું તમે કોઈ મહિલાનું અપમાન કરી શકો છો. મારા ઘરની પુત્રવધૂનું અપમાન કરી તેને કોલસા ચોર કહે છે? મમતાએ કહ્યું, "શું તમે તમારા ઘરની માતાઓ અને બહેનોને કોલસા ચોર કહેશો. તમે નિર્દોષ નથી. આપણે બધા જાણીએ છીએ, પણ તે કંઈ નહીં બોલે, કેમ કે એમ કહેવાનું બધું જ મારા નિયંત્રણમાં છે."
અભિનેતા સયોની દત્તા, જૂને માલિયા અને ક્રિકેટર મનોજ તિવારી આ રેલીમાં તૃણમૂલ કોંગ્રેસમાં જોડાયા હતા. આ તમામ લોકોએ ખેલા હોબેના નારા લગાવ્યા હતા, જે ભાજપ આ વખતે પડકાર ફેંકી રહી છે.