બંગાળ / મમતા કેબિનેટનું વિસ્તરણ: મોદી સરકારના પૂર્વ મંત્રી બાબૂલ સુપ્રિયો સહિત 10 લોકોને બનાવ્યા મિનિસ્ટર

• પશ્ચિમ બંગાળમાં મોટા ઉલટફેર
• મમતા કેબિનેટનું વિસ્તરણ
• 10 નવા લોકોને મંત્રીમંડળમાં આપી જગ્યા

પશ્ચિમ બંગાળના સીએમ મમતા બેનર્જીએ પોતાના કેબિનેટમાં ફેરફાર કર્યા છે. કુલ 10 નવા મંત્રીઓને જગ્યા આપી છે. તેમાંથી બાબૂલ સુપ્રિયોને પણ મંત્રી બનાવ્યા છે. મમતા સરકારે આ કેબિનેટ ફેરબદલ એવા સમયે કરી છે, જ્યારે ટીએમસી મંત્રી પાર્થ ચટર્જીના કારણે પાર્ટી પર ડાઘ લાગ્યો છે. પાર્થ અને તેમના નજીકના અર્પિતા મુખર્જીનું નામ શિક્ષક કૌભાંકમાં આવ્યું છે. બંને હાલમાં ઈડીની ધરપકડમાં છે. 

ઈડીની એક્શન બાદ પાર્થ ચટર્જીને મંત્રી પદેથી હટાવી દીધા હતા. ત્યારે મમતા બેનર્જીએ પહેલાથી જ ઈશારો આપી દીધો હતો કે, તેઓ મંત્રીમંડળમાં કંઈક નવા જૂની કરશે. વર્ષ 2021માં સરકાર બન્યા બાદ મમતાનું આ પ્રથમ કેબિનેટ વિસ્તરણ છે. 

મમતાની કેબિનેટમાં આ લોકોને જગ્યા

1. બાબૂલ સુપ્રિયો
2. સ્નેહાશીષ ચક્રવર્તી
3. પાર્થ ભૌમિક
4. ઉદયન ગુહા
5. પ્રદીબ મજૂમદાર

સ્વતંત્ર હવાલો

1. બિપ્લવ રોય ચૌધરી
2. બીરબાહા હસદા

રાજ્યમંત્રી

1. તાજમૂલ હુસૈન
2. સત્યજીત બર્મન