પશ્ચિમ બંગાળ વિધાનસભાની ચૂંટણી માટે ટીએમસી સુપ્રીમો મમતા બેનરજીએ નંદીગ્રામ બેઠક પરથી ચૂંટણી લડવાની જાહેરાત કરી દીધી છે.
291 ઉમેદવારોમાં 50 મહિલાઓ અને 42 મુસ્લિમ ઉમેદવારો
મમતાએ 100 નવા ચહેરાને આપી તક
દાર્જિલિંગની 3 બેઠકો સહયોગી માટે રાખી અનામત
291 ઉમેદવારોની યાદી જાહેર
મમતા બેનરજીએ વિધાનસભાની ચૂંટણી માટે 291 ઉમેદવારોની યાદી જાહેર કરી છે.મમતાએ 100 નવા ચહેરાને તક આપવામાં આવી છે તો કેટલાક જાણીતા ચહેરાની ટિકિટ કાપી છે. 291 ઉમેદવારોમાં 50 મહિલાઓ અને 42 મુસ્લિમ ઉમેદવારો છે. દાર્જિલિંગની 3 બેઠકો પર ટીએમસી ચૂંટણી લડવાની નથી કારણ કે આ બેઠકો પાર્ટીની સહયોગીઓ માટે અનામત રખાઈ છે.
પૂર્વ ક્રિકેટર મનોજ તિવારીને હાવડાના શિવપુરથી લડશે ચૂંટણી
હજુ થોડા સમય પહેલા ટીએમસીમાં જોડાયેલા પૂર્વ ક્રિકેટર મનોજ તિવારીને હાવડાના શિવપુરથી ટિકિટ આપવામાં આવી છે. મમતા સરકારમાં નાણામંત્રી રહેલા અમિત મિત્રા આ વખતે ચૂંટણી લડવાના નથી. 28 ચાલુ ધારાસભ્યોને ટિકિટ અપાઈ નથી. મમતાએ ટીએમસીને સમર્થન આપવા બદલ તેજસ્વી યાદવ, અરવિંદ કેજરીવાલ અને હેમંત સોરેન તથા શિવસેનાનો આભાર માન્યો હતો. મમતા બેનરજીએ 80 વર્ષથી વધારે વયના ઉમેદવારોને ટિકિટ ન આપવાની પણ જાહેરાત કરી છે.
પહેલા મમતા બેનરજી ભવાનુીપુરથી ચૂંટણી લડ઼વા માગતા હતા પરંતુ હવે ભવાનીપુરથી સોવાનદેવ ચેટરજીને ટિકિટ અપાઈ છે. બાંકુરાથી ફિલ્મસ્ટાર સાયાનતિકાત, ઉત્તરપાડાથી કંચન મલિક, શિવપુરથી મનોજ તિવારીને ટિકિટ અપાઈ છે. સિંગર અદિતી મુનશીને રાજરહાટ, ચંદ્રિમા ભટ્ટાચાર્યને નોર્થ દમદમથી ટિકિટ અપાઈ છે.
ખેલા હોબે, દેખા હોબે, જીતા હોબે
ઉમેદવારોની યાદી જારી કરતા મમતા બેનેરજીએ કહ્યું કે બંગાળમાં ટીએમસીની જીત થવાની છે. આ ચૂંટણીમાં ખેલા હોબે, દેખા હોબે, જીતા હોબે (રમીશું, લડીશું અને અમે જીતીશું પણ).આ દરમિયાન મમતાએ એવો પણ આરોપ લગાવ્યો કે ભાજપ પૈસાનો ઉપયોગ કરી રહી છે. ડેપ્યુટી સીએમની ગાડીમાં પૈસા લવાઈ રહ્યાં છે.