ચીનના વુહાન શહેરમાંથી ફેલાયેલો કોરોના વાયરસ સમગ્ર દુનિયામાં કહેર વર્તાવી રહ્યો છે. ત્યારે વધુ એક નવી બિમારી આવવાના અણસાર આવી રહ્યા છે. આ નવી બિમારીને બ્રુસેલોસિસ, માલ્ટા અથવા મેડિટરેનિયન તાવ કહેવામાં આવે છે. આ બિમારીથી અત્યાર સુધીમાં 3 હજારથી વધારે લોકો સંક્રમિત જોવા મળ્યા છે. આ બિમારીથી અત્યાર સુધીમાં 3 હજાર લોકોથી વધારે લોકો ચેપગ્રસ્ત જોવા મળ્યા છે. મનાઈ રહ્યું છે કે આ બિમારી વેક્સીન બનાવનારી સરકારી બાયોફાર્માસૂટિકલ પ્લાન્ટમાંથી લીક થયા બાદ ફેલાઈ છે. ગ્રાંસુ પ્રાંતની રાજધાની લાન્ચોના સ્વાસ્થ્ય આયોગે જણાવ્યુ કે તે લગભગ 30 લાખ લોકોની વસ્તી ધરાવતા લાંઝુમાં 3245 લોકોમાં બ્રુસેલોસિસ બિમારીના લક્ષણ જોવા મળ્યા છે.
સ્ક્રીનિંગ બાદ 1401 લોકોમાં ચેપ જોવા મળ્યો હતો
આ ચેપ માણસમાંથી માણસમાં નથી ફેલાતો
લાંઝુમાં 3245 લોકોમાં બ્રુસેલોસિસ બિમારીના લક્ષણ જોવા મળ્યા
આ બિમારીના કારણે કોઈ મોત નિપજ્યુ નથી. જોકે 22 હજાર લોકોના સ્ક્રીનિંગ બાદ 1401 લોકોમાં ચેપ જોવા મળ્યો હતો. ચીની અધિકારીઓ એ કહ્યું કે આ ચેપ માણસમાંથી માણસમાં નથી ફેલાતો.
અમેરિકાના CDCના જણાવ્યાનુસાર આ બિમારી થવા પર લાંબા સમય સુધી લક્ષણો રહે છે. જ્યારે કેટલાક એવા હોઈ શકે છે કે જે સંપૂર્ણ રીતે ન જાય. બ્રુસેલોસિસ ચીનમાં 1980ના દાયકામાં એક સામાન્ય બિમારી હતી. જો કે બાદમાં તેમાં ઘટાડો આવ્યો હતો. CDCના જણાવ્યાનુંસાર આ બિમારી કોરોના જેવી નથી. એક માણસમાંથી બીજા માણસમાં નથી ફેલાતી. આ બિમારીની ઝપેટમાં આવનારા લોકો એ છે જે દૂષિત ભોજન ખાય છે અથવા શ્વાસ લેવામાં બેક્ટેરિયાથી સંક્રમિત થાય છે.
જાણો માલ્ટાના લક્ષણો વિશે
સ્વાસ્થ્ય આયોગના જણાવ્યાનુસાર આ બિમારી પશુઓના સંપર્કમાં આવવાના કારણે થાય છે
આ બિમારી ઈન્ફેક્શનનો શિકાર થયેલા જાનવરો અથવા તેના ઉત્પાદનમાં ઉપયોગને કારણે થાય છે.
આ બિમારીના લક્ષણોમાં માથાના દુખાવા, માસપેશીઓ અને સાંધાના દુખાવા, તાવ અને થાકના લક્ષણો જેવા મળે છે.
ઈન્ફેક્શનથી કોઈ મોત થયુ નથી.