રાજકારણ / કોંગ્રેસનો આંતરિક વિવાદ અટકવાનું નામ નથી લઈ રહ્યો, મલ્લિકાર્જુને કહ્યું, હાઈકમાનની ટીકા કરનારા પાર્ટીને...

• ખડગેએ નેતાઓને હાઈ કમાનને સપોર્ટ કરવાની માંગ કરી 
• ખડગેએ ગુરુવારે એક જૂથ થવાની અપીલ કરી છે
• જો આપણી વિચારધારા નબળી હશે તો આપણે નષ્ટ થઈ જઈશું-ખડગે

મલ્લિકાર્જુન ખડગેએ કહ્યું કે આપણી પાર્ટી અને નેતાઓને આ રીતે નબળા બનાવશો તો આપણે આગળ નહીં આવી શકીએ. જો આપણી વિચારધારા નબળી હશે તો આપણે નષ્ટ થઈ જઈશું. આ વાત ધ્યાનમાં રાખવી પડશે. ખડગેનું આ સ્ટેટમેન્ટ બિહાર ચૂંટણીમાં હાર બાદ કેટલાક નેતાઓના નિવેદન બાદ આવ્યુ છે.

વરિષ્ઠ પાર્ટી નેતા અને પૂર્વ કેન્દ્રીય મંત્રી કપિલ સિબ્બલે એક અંગ્રેજી અખબરને ઈન્ટર્વ્યૂમાં કહ્યું હતુ કે એવું લાગે છે કે પાર્ટી નેતૃત્વએ કદાચ દરેક ચૂંટણીમાં થી રહેલી હારને પોતાનું નસીબ માની લીધું છે. તેમણે કહ્યું કે પેટા ચૂંટણીના પરિણામોથી એવું લાગે છે કે દેશમાં લોકો કોંગ્રેસ પાર્ટીને અસરકારક વિકલ્પ નથી માની રહ્યા.

સિબ્બલના નિવેદન બાદ કોંગ્રેસી નેતાઓએ તમની ટીકા કરી હતી. રાજસ્થાનના મુખ્યમંત્રી અશોક ગહેલોતે પાર્ટીના આંતરિક મુદ્દાઓનો ઉલ્લેખ મીડિયામાં કરવા પર ટીકા કરી હતી. તેણે કહ્યું કે સિબ્બલને આ પાર્ટીના આંતરિક મુદ્દાઓનો ઉલ્લેખ મીડિયામાં કરવાની કોઈ જરુર નથી. આનાથી પાર્ટી કાર્યકર્તાઓની ભાવના દુભાય છે. ગહેલોતે આને લઈને ટ્વીટ કર્યુ હતુ.