• Home
  • India
  • mallikarjun kharge attacks on attacks on bjp

રાજનીતિ / 'તેમના ઘરનો કોઈ કૂતરોય મર્યો છે'? ઈન્દીરા-રાજીવે કુર્બાની આપી- ખડગેના તીખા પ્રહારથી રાજનીતિ ગરમાઈ

Team VTV 06:54 PM, 19 Dec 22 | Updated: 06:54 PM, 19 Dec 22
mallikarjun kharge attacks on attacks on bjp

કોંગ્રેસ અધ્યક્ષ મલ્લિકાર્જુન ખડગેએ રાજસ્થાનના અલવરમાં ભાજપ પર તીખા પ્રહાર કરીને રાજનીતિને વધુ ગરમાવી મૂકી છે.

  • કોંગ્રેસ અધ્યક્ષ મલ્લિકાર્જુન ખડગેનું મોટું નિવેદન
  • ભાજપ પર નિશાન સાધતાં કહ્યું
  • તેમના ઘરનો કોઈ કૂતરોય મર્યો છે?
  • કોંગ્રેસે તો દેશ માટે આપ્યું છે બલિદાન 

કોંગ્રેસ અધ્યક્ષ મલ્લિકાર્જુન ખડગેએ ફરી એકવાર ભાજપ પર આકરા પ્રહારો કર્યા છે. તેમણે કહ્યું કે અમે દેશને આઝાદી અપાવી. ઇન્દિરા અને રાજીવ ગાંધીએ દેશની એકતા માટે પોતાના જીવનનું બલિદાન આપ્યું હતું. અમારા પક્ષના નેતાઓએ જીવ આપી દીધો, તમે શું કર્યું? ખડગેએ વધુમાં જણાવ્યું હતું કે, તમારા ઘરમાં તો શું કોઈ કૂતરો દેશ માટે મર્યો છે? શું કોઈએ કોઈ બલિદાન આપ્યું છે? 

રાજસ્થાનના અલવરમાં આપ્યું નિવેદન 
રાજસ્થાનના અલવરમાં ભારત જોડો યાત્રા દરમિયાન એક જનસભામાં ખડગે આવું બોલ્યાં હતા. તેમણે કહ્યું કે અમારી પાર્ટીના નેતાઓએ દેશ માટે પોતાના જીવનનું બલિદાન આપ્યું છે. આ લોકોએ કશું જ કર્યું નથી. તેમ છતાં આજે તેઓ સૌથી મોટા દેશભક્ત છે. "અમારા પક્ષના માણસોએ દેશ માટે પોતાના જીવનનું બલિદાન આપ્યું હોવા છતાં, જો આપણે કંઈ પણ કહીએ, તો અમને રાષ્ટ્રવિરોધી તરીકે ઓળખવામાં આવે છે. ખડગેએ દેશમાં લોકતંત્રની સ્થિતિ પર ચિંતા વ્યક્ત કરી હતી.

સરકાર ચીન મામલે ચર્ચાથી ભાગી રહી છે-ખડગે 
મલ્લિકાર્જુન ખડગેએ ચીન સાથેની વર્તમાન સ્થિતિ અંગે સરકારને સવાલ કર્યા હતા. અમે ચીનની આક્રમકતા પર ચર્ચા ઈચ્છીએ છીએ, પરંતુ સરકાર તેના માટે તૈયાર નથી. ખડગેએ કહ્યું કે તે બહાર સિંહની જેમ વાત કરે છે પરંતુ વાસ્તવમાં તે ઉંદર જેવું કામ કરે છે, સરકાર માહિતી છુપાવી રહી છે. 

Mallikarjun Kharge PM modi મલ્લિકાર્જૂન ખડગે પીએમ મોદી

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ