વારંવાર માનવામાં આવે છે કે બાળકો પેદા કરવા માટે મહિલાઓની એક યોગ્ય ઉંમર હોય છે, જ્યારે પુરૂષ કોઈ પણ ઉંમરમાં બાળકો પેદા કરી શકે છે. જો કે, આ વાત સંપૂર્ણ રીતે સાચી નથી.
આ છે પિતા બનવાની સાચી ઉંમર
ઉંમર વધતા પુરૂષોમાં સ્પર્મ કાઉન્ટ અને ક્વોલિટી ઘટે છે
બાળક પેદા કરવામાં પુરૂષોની ઉંમર ઘણી મહત્વપૂર્ણ
બાળકોને જન્મ આપવા માટે જે રીતે મહિલાઓની ઉંમર ધ્યાનમાં લેવામાં આવે છે, તેટલી જ પુરૂષોની ઉંમર પણ ધ્યાનમાં લેવાય છે. જેનુ કારણ એ છે કે ઉંમર વધવાની સાથે પુરૂષોમાં સ્પર્મ કાઉન્ટ અને તેની ક્વોલિટી ઘટવા લાગે છે.
પિતા બનવાની સાચી ઉંમર
વિશેષજ્ઞો મુજબ, પુરૂષો માટે 20 થી લઇને 30 વર્ષની ઉંમર પિતા બનવા માટે યોગ્ય છે. જો કે, 50 અથવા તેનાથી વધુની ઉંમર થતા પુરૂષ બાળકો પેદા કરી શકે છે. ગિનીઝ વર્લ્ડ રેકોર્ડ મુજબ, એક પુરૂષે 92 વર્ષની ઉંમરે બાળકને જન્મ આપ્યો હતો. સંશોધનકારોનું કહેવુ છે કે બાળક પેદા કરવામાં પુરૂષોની ઉંમર ઘણી મહત્વપૂર્ણ હોય છે. 40 વર્ષથી વધુની ઉંમર થતા પુરૂષોમાં પિતા બનવાની શક્યતાઓ ઘટવા લાગે છે.
બાયોલૉજિકલ ક્લૉક
નિષ્ણાંતોનુ કહેવુ છે કે પુરૂષોમાં સ્પર્મનુ પ્રોડક્શન ક્યારેય અટકતુ નથી. પરંતુ ઉંમર વધવાની સાથે સ્પર્મનુ ડીએનએ ડેમેજ થવાની શક્યતાઓ અનેક ગણી વધી જાય છે. જેનાથી પ્રજનન ક્ષમતા પ્રભાવિત થાય છે. ભાવિ બાળકના સ્વાસ્થ્ય પર પણ તેની નકારાત્મક અસર પડી શકે છે.
અનેક અભ્યાસમાં આ વાત સામે આવી છે કે જ્યારે પુરૂષ મોટી ઉંમરમાં પિતા બને છે તો તેનાથી બાળકોમાં ન્યુરોડેવલપમેન્ટ વિકૃતિઓ જોવા મળી શકે છે. વર્ષ 2010માં કરવામાં આવેલા એક અભ્યાસમાં સામે આવ્યું છે કે જે પુરૂષ 40 વર્ષની ઉંમર બાદ પિતા બન્યા, તેના બાળકોમાં ઓટિઝમ સ્પેક્ટ્રમના ડેવલપ થવાનુ જોખમ 5 ગણુ હતુ.
કઈ ઉંમર બાદ સ્પર્મનુ પ્રોડક્શન થાય છે બંધ
વિશ્વ સ્વાસ્થ્ય સંગઠને સીમનના અમુક માપદંડ નક્કી કરેલા છે, જેનાથી હેલ્ધી સ્પર્મ નિર્ધારીત કરવામાં આવે છે. જેનાથી સ્પર્મ કાઉન્ટ, શેપ અને મૂવમેન્ટ સામેલ છે. જે મુજબ 35 વર્ષની ઉંમરની આજુબાજુ પહોંચતા જ પુરૂષોમાં આ સ્પર્મ પેરામીટર નબળા થવા લાગે છે.