મલેશિયાના પ્રધાનમંત્રીએ એકાએક રાજીનામું આપી દેતા ખળભળાટ મચી ઉઠ્યો છે. 12 સાસંદોએ સમર્થન હટાવી દીધું જેના કારણે તેમની સરકાર પડી ભાંગી અને તેમને રાજીનામું આપવું પડ્યું
મલેશિયાના પ્રધાનમંત્રીએ આપ્યું રાજીનામું
બહુમત ન મળતા સરકાર પડી ભાંગી
મલેશિયાના રાજાને આપ્યું રાજીનામુ
મલેશિયાના પ્રધાનમંત્રી મુહિઉદ્દીને યાસીને રાજીનામું આપી દીધું છે. તેમણે સત્તા સંભાળ્યાના માત્ર 18 મહિનામાં તેમણે મલેશિયાના રાજાને રાજીનામું આપી દીધું છે. મલેશિયામાં સૌથી ઓછા સમય માટે તેઓ પ્રધાનમંત્રી રહ્યા છે. માર્ચ 2020માં તેઓ પ્રધાનમંત્રી બન્યા હતા. અગાઉ તેમણે જાહેર કર્યું હતું કે તેમની પાસે પર્યાપ્ત માત્રામાં બહુમત પણ નથી.
મલેશિયાના રાજાને આપ્યું રાજીનામું
વિજ્ઞાનમંત્રી ખૈરી જમાલુદ્દીને ઈન્સ્ટાગ્રામ પર માહિતી આપતા કહ્યું કે મંત્રીમંડળે મલેશિયાના રાજાને રાજીનામું આપી દીધું છે. અગાઉ રાષ્ટ્રપતિ યાસીન તેમંને મળવા માટે રાજમહેલ ગયા હતા. જ્યાથી બહાર આવ્યા બાદ તેમણે રાજીનામું આપી દીધું હતું.
સત્તા સંભાળવા નેતાઓની ભાગદોડ
ઉપ ખેલમંત્રી વાન અહમદ ફયહસલ વાન અહમદ કમાલે ફેસબુક પર એક પોસ્ટ લખી જેમા તેમણે યાસીનના નેતૃત્વ અને સેવાને લઈને તેમનો આભાર માન્યો હતો. કોરોના મહામારીને કારણે હાલ મલેશિયાની સ્થિતી ગંભીર છે. જોકે હાલ સત્તા સંભાળવા માટે નેતાઓ ભાગદોડ કરી રહ્યા છે. જેમા ઉપ પ્રધાનમંત્રી ઈસ્માઈલ સાબરી સમર્થન માટે લોકોને એકઠા કરી રહ્યા છે.
કોરોનાને કારણે મલેશિયાની હાલત ખરાબ
પ્રધાનમંત્રી યાસીને એવા સમયે રાજીનામું આપ્યું છે કે જ્યારે કોરોના મહામારીને લઈને પરિસ્થિતી પહેલાથી ખરાબ છે. સૌથી વધારે સંક્રમણ મલેશિયામાં ફેલાયું છે. રોજના અહીયા 20 હજાર કરતા પણ વધારે કેસ નોંધાઈ રહ્યા છે. સાથેજ સંક્રમણને કાબૂમાં લેવા માટે જૂનથી લોકડાઉન કરવામાં આવ્યું છે. જેના કારણે અર્થ વ્યવસ્થા પણ પડી ભાંગી છે.
12 સાંસદોએ સમર્થન પરત લેતા સરકાર પડી ભાંગી
ઉલ્લેખનીય છે કે મોટા ગઠબંધન સાથે સરકાર ચાલી રહી હતી. પરંતુ એકાએક 12છથી વધું સાંસદોએ તેમનું સમર્થન પરત લીઘું જેના કારણે મલેશિયાની સરકાર પડી ભાંગી. હાલ સરકાર પાસે 90 સાસંદ છે. પરંતુ મલેશિયામાં સરકાર બનાવા માટે 111 સાંસદો જરૂરી છે.