સ્પોર્ટ્સ / Malaysia Masters 2022: પીવી સિંધુએ ક્વાર્ટર ફાઈનલમાં કર્યો પ્રવેશ, ચીનની આ ખેલાડી સામે થશે ટક્કર

• રમાઈ રહી છે મલેશિયા માસ્ટર્સ ટેનિસ ટૂર્નામેન્ટ 
• ક્વાર્ટર ફાઈનલમાં પહોંચી પીવી સિંધુ 
• સાઈના નેહવાલ આ ટૂર્નામેન્ટમાં પહેલા જ આઉટ થઈ ગઈ 

ભારતીય બેડમિન્ટન સ્ટાર પીવી સિંધુએ ચીનની ઝાંગ યી માનને સીધી ગેમમાં હરાવીને મલેશિયા માસ્ટર્સની ક્વાર્ટર ફાઇનલમાં પ્રવેશ કરી લીધો છે. બે વખતની ઓલિમ્પિક મેડલ વિજેતા સાતમી રેન્કિંગ સિંધુએ 32મી રેન્કિંગ વાળી યી માનને 28 મિનિટમાં 21-12, 21-10થી હરાવી હતી.

હવે આ ખેલાડી સાથે થશે મુકાબલો 
હવે તેનો મુકાબલો અંતિમ આઠમાં ખેલાડી ચીની તાઈપૈની તાઈ ઝુ યિંગ સામે થશે. વિશ્વની બીજા નંબરની ખેલાડી સામે સિંધુનો રેકોર્ડ 5-16નો છે. તેણે ગયા અઠવાડિયે મલેશિયા ઓપનમાં પણ સિંધુને હરાવી હતી.

મેન્સ સિંગલ્સમાં બી સાઈ પ્રણીતને ચીનના લી શી ફેંગે 21-14, 21-17થી હરાવ્યો હતો. સાંજે એચએસ પ્રણોય અને પારુપલ્લી કશ્યપ વચ્ચે પણ મેચ રમાશે.