મલાઇકા અરોરા એક એવી એક્ટ્રેસ છે જે પોતાના રિલેશનશીપને લઇને ચર્ચામાં રહે છે. અરબાઝ સાથે તલાક લઇને હવે તે અર્જુન સાથે રિલેશનશીપમાં છે.
મલાઇકા અરોરાએ સલમાનને લઇને કહી વાત
'મને બનાવવામાં સલમાનનો કોઇ હાથ નહી'
અરબાઝ ખાન સાથે તલાક લઇને અર્જુન સાથે સંબંધમાં
અરબાઝ સાથે તલાક
મલાઇકા અરોરાએ સલમાનના ભાઇ અને એક્ટર અરબાઝ ખાન સાથે લગ્ન કર્યા હતા પરંતુ બંનેએ થોડા વર્ષો પહેલા જ ડિવોર્સ લઇ લીધા અને મલાઇકાનું નામ અર્જુન કપુર સાથે જોડાયુ હતુ. અર્જુન સાથે રિલેશનશીપ બાદ તેને ખુબ ટ્રોલ કરવામાં આવી હતી. એક્ટ્રેસ હવે કપૂર પાર્ટીઝમાં પણ નજર આવે છે.
આઇટમ ગર્લ કહેવા લાગ્યા હતા લોકો
બોલિવૂડની જાણીતી અભિનેત્રી મલાઈકા અરોરાએ પોતાની ફિલ્મો અને પોતાની સ્ટાઈલથી હિન્દી સિનેમામાં જબરદસ્ત ઓળખ બનાવી છે. તેને સૌથી વધુ લોકપ્રિયતા શાહરૂખ ખાનની ફિલ્મ 'દિલ સે'ના ગીત 'છૈયા છૈયા'થી મળી હતી. આ પછી મલાઈકા અરોરાએ તેના ઘણા ખાસ ગીતોથી ફિલ્મોમાં ધમાલ મચાવી દીધી હતી. તેણે સલમાન ખાનની 'દબંગ'માં 'મુન્ની બદનામ' ગીતથી પણ બધાનું દિલ જીતી લીધું હતું. જોકે, આ પછી મલાઈકા અરોરાને ઘણી ટીકાઓનો સામનો કરવો પડ્યો હતો અને તેને 'આઈટમ ગર્લ'નું ટેગ આપવામાં આવ્યું હતું.
રાખી સાવંતે આ વાત કહી હતી
મલાઈકા અરોરાને સલમાન ખાનના પરિવાર સાથે સંબંધ હોવાના કારણે ઘણીવાર નિશાને લેવામાં આવી હતી. રાખી સાવંતે તો ત્યાં સુધી કહ્યું હતું કે, 'સલમાન ખાન સાથેના કનેક્શનને કારણે મલાઈકા અરોરાને આઈટમ ગર્લ કહેવામાં આવતી નથી.' જોકે મલાઈકા અરોરા પોતે પણ એક્ટ્રેસને જવાબ આપવાથી પાછળ હટી નહોતી.
મલાઈકાનો ઈન્ટરવ્યુ
મલાઈકા અરોરાએ વર્ષ 2008માં એક ઈન્ટરવ્યુમાં કહ્યું હતું કે, 'જો એવું હોય તો સલમાનની દરેક ફિલ્મમાં મારે હોવું જોઇએ ને, તેની દરેક ફિલ્મના ગીતમાં સ્પેશ્યલ અપિયરેન્સ હોવો જોઇએ. તેણે મને નથી બનાવી હું એક સેલ્ફ મેડ મહિલા છું. '