અર્જૂન કપૂર સાથે અફેર અને લગ્નની ચર્ચા વચ્ચે મલાઇકા અરોરાએ પોતાના ઑફિશ્યલ સોશ્યલ મીડિયા એકાઉન્ટમાંથી ખાન સરનેમ હટાવી દીધી છે. અર્જૂન-મલાઇકાનું અફેર વધારે લાઇમલાઇટમાં ત્યારે આવ્યુ જ્યારે 'AM' લખેલુ પેન્ડન્ટનો ફોટો સોશ્યલ મીડિયા પર શૅર કર્યો.
44 વર્ષીય મલાઇકાએ ઇન્સ્ટાગ્રામ પર પોતાનું પેન્ડન્ટનો એક ફોટો શૅર કર્યો જેમાં ‘AM’લખેલું પેન્ડન્ટ જોઈને અટકળો શરૂ થઈ ગઈ કે આ 'અર્જૂન-મલાઈકા' દર્શાવે છે. જોકે થોડા કલાકો પછી મલાઇકાએ પેન્ડન્ટ સાથેની બીજી ફોટો શૅર કરીને તમામ અટકળો પર પૂર્ણ વિરામ મૂકી દીધું.
નવી તસવીરમાં મલાઈકાએ પેન્ડન્ટની દિશા બદલી નાખી એટલે ‘MA’ થઇ ગયું. મલાઇકાએ સ્ટોરીમાં લખ્યુ કે ''થેન્ક્યૂ વ્હાબીઝ મહેતા સુંદર MA પેન્ડન્ટ આપવા માટે. MAનો અર્થ થાય છે મલાઇા અરોરા.. જે મારું નામ છે.''
છેલ્લા ઘણા દિવસથી અર્જૂન-મલાઈકા ઈવેન્ટ્સ અને ડિનર ડેટ પર સાથે જોવા મળે છે. શરૂઆતમાં બંનેએ પોતાની રિલેશનશીપ નકારી હતી પરંતુ બંને જાહેરમાં અનેક વખત સાથે જોવા મળ્યા છે. તાજેતરમાં જ ‘કોફી વિથ કરણ’માં જ્હાન્વી સાથે પહોંચેલા અર્જૂનને કરણે રિલેશનશિપ અંગે સવાલ કર્યો હતો. જેના જવાબમાં અર્જૂને કહ્યુ કે ''હું સિંગલ નથી.” અર્જુને સ્વીકાર્યું કે પહેલા તે લગ્ન માટે તૈયાર નહોતો પરંતુ હવે લગ્ન કરીને સેટ થવા માંગે છે.