બોલીવૂડ એક્ટ્રેસ મલાઇકા અરોરા સોશ્યલ મિડીયા પર ઘણી એક્ટિવ રહે છે અને પોતાના ફેન્સને પ્રોફેશનલ અને પર્સનલ લાઇફ વિશે જાણકારી આપે છે.
મલાઇકાએ વ્યક્ત કરી ફરી માતા બનવાની ઇચ્છા
મલાઇકાને છે દીકરીની ચાહત
અરહાન સાથે વાત કરીને લેવા માગે છે નિર્ણય
મલાઇકાને બનવું છે માતા
મલાઇકા અરોરાએ હાલમાં જ એક રિયાલીટી શોમાં મા બનવાની ઇચ્છા જાહેર કરી હતી. મલાઇકાએ જણાવ્યું કે તે એક દીકરીને એડોપ્ટ કરવા ઇચ્છે છે.
મલાઇકાએ વધુમાં જણાવ્યું કે, તે અને તેનો દિકરા અરહાન એક બાળકી અડોપ્ટ કરવા વિશે વિચારી રહ્યાં છે. એક્ટ્રેસે કહ્યું કે તેના દિકરા અરહાનને ખુબ પ્રેમ કરે છે પરંતુ તેની હંમેશાથી એક ઇચ્છા હતી કે તે એક દીકરીની માતા હોય.
મિત્રોએ કર્યા બાળકો અડોપ્ટ
એક રિપોર્ટ પ્રમાણે મલાઇકાએ કહ્યું કે મારા ઘણા ખાસમિત્રો છે જેમણે બાળકોને અડોપ્ટ કર્યો છે. આ જાણીને ખુબ સારુ લાગે છે કે બાળક તમારા જીવનમાં ખુશીઓ લઇને આવે છે. મે આ વિશે દિકરા અરહાન સાથે ઘણીવાર વાત કરી હતી કે અમે કેવી રીતે એક બાળકને અડોપ્ટ કરીને તેને સારું જીવન આપી શકીએ છીએ.
મલાઇકાની ઇચ્છા
દીકરી અડોપ્ટ કરવા મુદ્દે મલાઇકાએ કહ્યું કે હું એક એવા પરિવારમાંથી આવું છુ જેમાં માત્ર છોકરીઓ જ છે. હવે મારા પરિવારમાં બધા જ છોકરાઓ છે અને ફેમિલીમાં એક ગર્લ ચાઇલ્ડનું હોવું ખુબ મિસ કરુ છુ. હું મારા દિકરાને ખુબ પ્રેમ કરુ છુ પરંતુ મારી દિલથી ઇચ્છા છે કે એક દિકરીને હું અડોપ્ટ કરું. મારી એક બહેન છે અને અમે હંમેશા એકબીજા સાથે ગમે તેવી પરિસ્થિતિમાં ઉભા રહીએ છીએ. અમે એકબીજાની વાતો સાંભળીએ છીએ. મારી ઇચ્છા હતી કે મારી એક દીકરી હોત તો હું તેને તૈયાર કરતી અને તેની સાથે સિલી વસ્તુઓ કરતી.
તલાક સમયે અરહાનનું રિએક્શન
મલાઇકા અરોરા થોડા સમય પહેલા કરીના કપૂરના રેડિયો શો વૉટ વુમન વોન્ટમાં ગઇ હતી. જ્યાં તેને પૂછવામાં આવ્યું હતુ કે અરબાઝ અને તેના તલાક વખતે દિકરાનું શું રિએક્શન હતું. ત્યારે મલાઇકાએ જવાબ આપ્યો તો કે હું મારા બાળકને ખુશ જગ્યાએ જોવા માગુ છું એવી કોઇ જગ્યાએ નહી જ્યાં અમારી વચ્ચે ઝઘડા થતા હોય.