ભારતનો સૌથી મોટો ટેલેન્ટ શો 'ઇન્ડિયાઝ ગોટ ટેલેન્ટ' ની શરૂઆત થઇ ચૂકી છે. આ શો શરૂ થતા પહેલા જ આ શોની જજ પૈકીની એક મલાઇકા અરોરાએ પોતાના સોશ્યલ મીડિયા પ્લેટફોર્મ ઇન્સ્ટાગ્રામ પર એક વીડિયો શૅર કર્યો છે જે જોઇને તમે પણ ચોંકી જશો. આ વીડિયોમાં એક જાદૂગર મલાઇકા અરોરાની સાથે એવો જાદૂ કરી દેખાડ્યો કે મલાઇકા ચીસો જ પાડવા લાગી.
મલાઇકા અરોરાએ તેના ઇન્સ્ટાગ્રામ એકાઉન્ટ પર શૅર કરેલા વીડિયોમાં એવું દેખાઇ રહ્યુ છે કે જાદૂગર મલાઇકાના માથા પર સોફ્ટ ડ્રિંકથી ભરેલા ડિસ્પોઝલ કપ મૂકે છે. જ્યારે બીજો જાદૂગર તેના માથા પર મૂકે છે. ત્યારબાદ આ જાદૂગર જાદૂ કરીને મલાઇકાને તેના માથા પર મૂકેલા ઊંઘો કરવાનું કહે છે. મલાઇકા ડરતા-ડરતા આ કપને ઊંઘો કરે છે અને જ્યારે તેને ખબર પડે છે કે કપ ખાલી છે તો તે ચીસો પાડવા લાગે છે.
એક્ટર અને એન્કર રહી ચૂકેલી મલાઇકા અરોરા આ જાદૂગથી એટલી પ્રભાવિત થઇ ગઇ કે તે સ્પર્ધકને ભેટી પડી અને સમગ્ર સ્ટેડિયમમાં તાળીઓથી ગૂંજી ઉઢ્યુ. આ શોમાં મલાઇકા અરોરા સિવાય કરણ જડોહર અને કિરણ ખેર પણ જજ તરીકે જોવા મળશે. આ શો એક ઇન્ટરનેશનલ કોન્સેપ્ટ પર આધારિત છે.