હાલમાં જ મલાઈકા અરોરાએ ફેફસાને હેલ્ધી અને મજબૂત રાખવાનો ઉપાય જણાવતા એક વીડિયો શેર કર્યો છે. જે ખૂબ જ વાયરલ થઈ રહ્યો છે.
મલાઈકા બોલિવૂડની ફિટનેસ ક્વિન છે
મલાઈકા અવારનવાર ફિટનેસની ટિપ્સ શેર કરતી રહે છે
મલાઈકાએ ફેફસાને મજબૂત બનાવવા જણાવ્યો ઉપાય
જે રીતે કોરોનાની સેકન્ડ વેવમાં લોકોને શ્વાસ સંબંધી સમસ્યાઓ વધુ જોવા મળી રહી છે અને ઓક્સીજન સિલેન્ડરની પણ કટોકટી સર્જાઈ છે. એવામાં લોકો હેલ્પલેસ થઈ ગયા છે અને પોતાનો જીવ ગુમાવી રહ્યાં છે. ત્યારે એક વીડિયોમાં મલાઈકા ફેફસાને મજબૂત અને હેલ્ધી રાખવા અને ઈન્ફેક્શનથી બચાવવા માટે અનુલોમ વિલોમ કરતી જોવા મળી રહી છે. તેણે જણાવ્યું કે બધાં જ આ યોગ કરી શકે છે. આ વીડિયોને ખૂબ જ શેર અને લાઈક્સ પણ મળી રહી છે.
મલાઈકાએ ઈન્સ્ટાગ્રામ પર વીડિયો શેર કરતા લખ્યું- આ કપરાં સમયમાં પ્રાણાયામ ખૂબ જ જરૂરી છે. આ આપણી રોજિંદી લાઈફનો ભાગ હોવો જોઈએ. પ્રાણાયામની સરળ રીત અનુલોમ વિલોમ પ્રાણાયામ છે, જે ઈમ્યૂનિટી વધારે છે અને ફેફસાની ક્ષમતા સુધારે છે. મલાઈકાએ જણાવ્યું કે, શ્વાસ પર નિયંત્રણ યોગાભ્યાસથી જ કરી શકાય છે. તેણે બ્રીધિંગની હેલ્ધી ટેક્નિક જણાવી છે. સાથે જ કેટલીવાર અને કેટલા અંતરાલમાં કરવું તે પણ જણાવ્યું.
મલાઈકાએ પોસ્ટ શેર કરીને લખ્યું-અનુલોમ વિલોમ 6 રાઉન્ડથી શરૂ કરો. આ પ્રાણાયામ જમતા પહેલાં અને પછી 2 કલાકના ઈન્ટરવલમાં કરવું જોઈએ. તમે 21 રાઉન્ડ સુધી જઈ શકો છો. ઉલ્લેખનીય છે કે, મલાઈકાનો એકાઉન્ટ યોગ અને એક્સરસાઈઝના વીડિયોથી ભરેલો છે. તે નિયમિત વર્કઆઉટ અને યોગાસન કરવાની સાથે ડાયટ પર પણ ખૂબ જ ધ્યાન આપે છે.