આંતરરાષ્ટ્રીય યોગ દિવસના અવસર પર મલાઈકા અરોરાએ યોગ કરતા એક વીડિયો શેર કર્યો છે, જેના પર સીમા સજદેહે એક ફની કમેન્ટ કરી છે.
આજે છે આંતરરાષ્ટ્રીય યોગ દિવસ
મલાઈકાએ શેર કર્યો યોગ કરતો વીડિયો
સીમા સજદેહે કરી ફની કમેન્ટ
બોલિવૂડ અભિનેત્રી મલાઈકા અરોરા ઈન્ડસ્ટ્રીની જાણીતી અભિનેત્રી છે. મલાઈકા હંમેશા પોતાના લુકને લઈને લાઈમલાઈટમાં રહે છે. મલાઈકા ઈન્ડસ્ટ્રીની તે અભિનેત્રી છે, જે 48 વર્ષની ઉંમરમાં પણ ફિટનેસના મામલે નવી એક્ટ્રેસને ટક્કર આપી શકે છે. સમગ્ર વિશ્વમાં આજે આંતરરાષ્ટ્રીય યોગ દિવસની ઉજવણી કરવામાં આવી રહી છે. યોગ દિવસના અવસર પર અભિનેત્રી મલાઈકા અરોરાએ પોતાનો એક વીડિયો શેર કર્યો છે, જે ફેન્સનું દિલ જીતી રહ્યો છે.
મલાઈકા હંમેશા કરે છે યોગ
પોતાને ફિટ રાખવા માટે મલાઈકા હંમેશા યોગા અને વર્કઆઉટ કરે છે. અભિનેત્રી ઘણીવાર જીમની બહાર પણ જોવા મળે છે. આટલું જ નહીં, મલાઈકા અરોરા પોતાનો એક યોગ સ્ટુડિયો પણ ચલાવે છે. એટલે કે અભિનેત્રી યોગ કરવાની સાથે અન્યને પણ યોગ શીખવે છે. હવે યોગ દિવસના અવસર પર મલાઈકા અરોરા ખાને ઈન્સ્ટાગ્રામ પર પોતાનો લેટેસ્ટ વીડિયો શેર કર્યો છે. આ વીડિયોમાં મલાઈકા અરોરા યોગ કરતી જોવા મળી રહી છે.
EX-દેરાણીએ કરી ફની કમેન્ટ
આ યોગનો વીડિયો શેર કરતી વખતે મલાઈકાએ કેપ્શનમાં લખ્યું કે તેને આ ડાયનેમિક પોઝમાં યોગ કરવાનું પસંદ છે. આ સિવાય મલાઈકાએ ફેન્સને તેના યોગ વીડિયો શેર કરવા કહ્યું છે. મલાઈકાની આ પોસ્ટ પર તેની ફ્રેન્ડ અને સોહેલ ખાનની એક્સ વાઈફ સીમા સજદેહે ફની કોમેન્ટ કરી છે. મલાઈકાના આ વીડિયો પર કમેન્ટ કરતા સીમાએ પૂછ્યું કે શું તે શવાસનનો વીડિયો શેર કરી શકે છે.
તમને જણાવી દઈએ કે સીમા સજદેહ મલાઈકાની દેરાણી હતી. સીમા એક્ટર સોહેલ ખાનની એક્સ વાઈફ છે. હમણાં જ સોહેલ અને સીમાએ કોર્ટમાં છૂટાછેડા માટે અરજી કરી છે. જેના કારણે તેઓ સતત ચર્ચામાં રહે છે.