IPLIN
 

બોલિવૂડ / મલાઈકા અરોરાએ ખોલ્યું તેના પ્રથમ ઓડિશનનું રહસ્ય, કહ્યું-17 વર્ષની હતી ત્યારે જ....

Team VTV 06:38 PM, 20 Feb 20
Follow us
Malaika Arora Recalls Her Audition Days when She Faced Rejections

મલાઈકા અરોરા એક એવું નામ છે જેના ડાંસ મૂવ્સ, ફિટનેસ અને અદાઓના લોકો દિવાના છે. પરંતુ મલાઈકાને આ નેમ-ફેમ હાંસલ કરવામાં ઘણા સંઘર્ષનો સામનો કરવો પડ્યો છે અને અનેકવાર રિજેક્શન પણ મળ્યું છે. મલાઈકાએ તેના સંઘર્ષના દિવસો અંગે જણાવી આ વાતો.

  • મલાઈકા અરોરાએ તેના કરિયરની શરૂઆત અંગે જણાવી આ વાત
  • મલાઈકાએ કહ્યું, આ બધું એટલું સરળ નહોતું
  • અનેકવાર રિજેક્શન જોઈ ચૂકી છે મલાઈકા

મલાઈકાએ કહ્યું, મને યાદ છે, જ્યારે હું મારા સ્ટ્રગલના દિવસોમાં મારી મા સાથે ઓડિશન માટે જતી હતી. જ્યારે મેં કરિયરની શરૂઆત કરી ત્યારે મને ઘણાં રિજેક્શન મળ્યાં હતા, પરંતુ મેં ક્યારેય હિમ્મત હારી નહોતી અને હમેશાં પ્રયત્નો કરતી રહી હતી. 

મલાઈકાએ આગળ કહ્યું, હું 17 વર્ષની હતી ત્યારે મેં મોડલિંગ કરિયરની શરૂઆત કરી હતી અને ત્યારથી જ મારી જર્ની શરૂ થઈ અને આજે હું આ મુકામ પર છું. પણ આ બધું એટલું સરળ નહોતું. જ્યારે હું 15-16 વર્ષની હતી ત્યારે મને ખબર જ નહોતી કે મારે શું કરવું છે, પરંતુ આજકાલની જનરેશનને શું કરવું છે અને શું જોઈએ એ બાબતો બહુ જ ક્લિઅર હોય છે. 

મલાઈકાએ કહ્યું, આજથી 20 વર્ષ પહેલાં હું ટેરેન્સ લુઈસને મળી હતી અને તેની ડાંસ એકેડમીમાં મેં ડાંસ શીખ્યો અને આજે હું તેની જ સાથે એક રિયાલિટી ડાંસ શોમાં જજની ભૂમિકા ભજવીશ. 

તમને જણાવી દઈએ કે, મલાઈકા અરોરા, ટેરેન્સ લુઈસ અને ગીતા કપૂર એક ડાંસ શોમાં જજ તરીકે જોવા મળશે. આ શોનું નામ છે ઈન્ડિયાઝ બેસ્ટ ડાંસર્સ. આ શો 29 ફેબ્રુઆરીથી શરૂ થવાનું છે. હાલ મલાઈકા અર્જુન કપૂર સાથેની રિલેશનશિપને લઈને ઘણી જ ચર્ચામાં છે. 

Malaika Arora Recalls Bollywood Audition Days Arjun Kapoor Strugle Days
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ