અભિનેત્રીઓ તેમની એક્ટિંગની સાથે સાથે ગજબના ફેશનસેન્સ, પરફેક્ટ લુક અને સુંદરતા માટે વખણાય છે. જો કે, શૂટિંગ દરમ્યાન અથવા તો પ્રવાસ દરમ્યાન અભિનેત્રી સાથે એવી દુર્ઘટના ઘટી છે કે તેના નિશાન તેમના ચહેરા પર હંમેશા માટે રહી ગયા છે.
અભિનેત્રીઓના સુંદર ચહેરા બગડવા પાછળનું શું છે કારણ?
કોઈ અભિનેત્રીને પતિ સાથે થઇ હતી મારપીટ તો કોઈકને દુર્ઘટના નડી
હિરોઈનો આ નિશાનને છુપાવવાની જગ્યાએ ખુલીને વાત કરે છે
આજે અમે તમને અમુક એવી હીરોઈનોના ચહેરા બતાવવા જઈ રહ્યાં છીએ. જેમના માટે ઈજાના નિશાન ચાંદ પર દાગની જેમ છે. જાણો આ હિરોઈનો વિશે કે કઈ રીતે તેમના ચહેરા પર આ નિશાન હંમેશા માટે રહી ગયા. રસપ્રદ વાત એ છે કે અભિનેત્રીઓ આ નિશાનને છુપાવવાની જગ્યાએ ઘણા અવસર પર ખુલીને વાત કરે છે.
આ લિસ્ટમાં સૌથી પહેલુ નામ અભિનેત્રી કંગના રનૌતનું આવે છે. 'મણિકર્ણિકા'ની શૂટિંગ દરમ્યાન તલવારબાજીનાં સ્ટન્ટમાં સીન શૂટ કરતી વખતે કંગનાના ચહેરા પર તલવાર વાગી ગઇ હતી. જેનુ નિશાન તમે આજે પણ અભિનેત્રીના ચહેરા પર સાફ જોઈ શકો છો.
મલાઈકા સુંદરતાની દુનિયાની દિવાની છે. તાજેતરમાં જ મુંબઈ પુણે હાઈવે પર મલાઈકાની કારનો અકસ્માત થયો હતો. આ દુર્ઘટનામાં મલાઈકાના ચહેરા પર ઈજા થઈ હતી. આ ઈજાના નિશાન મલાઈકાના ચહેરા પર આજે પણ સ્પષ્ટ દેખાય છે.
નિશા રાવલે પતિ પર મારામારીનો લગાવ્યો આરોપ
ટેલીવિઝન એકટ્રેસ નિશા રાવલ છેલ્લાં કેટલાય દિવસોથી પતિ કરણ મહેરાની સાથે વણસેલા સંબધોને લઈને ચર્ચામાં આવી ગઇ છે. આ દરમ્યાન નિશા રાવલે પોતાની તસ્વીર શેર કરીને કરણ પર મારપીટનો આરોપ લગાવ્યો હતો. નિશાએ જણાવ્યું કે કરણે તેમને એટલી ખરાબ રીતે માર્યુ કે તેના ચહેરા પર ગંભીર ઈજાઓ થઈ છે. જો કે, મેકઅપની મદદથી નિશા તેના નિશાનોને છુપાડતી દેખાય છે.
અભિનેત્રી હેમા માલિનીની કારનો ખતરનાક અકસ્માત થયો હતો. આ દુર્ઘટના બાદ હેમા માલિનીનો ચહેરો બદલાઈ ગયો હતો. જણાવવામાં આવે છે કે, આ ઈજાઓ અને નિશાનોને છુપાવવા માટે હેમા માલિનીએ ઘણી સર્જરીઓ પણ કરાવી હતી.
ટેલર હિક્સનને પણ થઇ હતી ઈજા
આ યાદીમાં ડેડપૂલ સ્ટાર ટેલર હિકસનનો નામ પણ સામેલ છે. ફિલ્મના સેટપર ગ્લાસ ડોર પર પડી ગઈ હતી. જે કારણોસર તેના ચહેરા પર ગંભીર ઈજા થઈ હતી. આજે પણ તેમના ચહેરા પર આ ઈજાના નિશાન સ્પષ્ટ દેખાય છે.