બોલીવુડ અભિનેત્રી મલાઈકા અરોડા અત્યારે મુંબઈની અપોલો હોસ્પિટલમાં દાખલ છે. 2 એપ્રિલે મોડી રાત્રે મલાઈકાની કારનો અકસ્માત થયો હતો. જેમાં તેને ઈજા થઈ હતી. ત્યારબાદ અભિનેત્રીને તાત્કાલિક હોસ્પિટલમાં દાખલ કરવામાં આવી. જ્યાં તેની સારવાર ચાલી રહી છે.
મલાઈકા અરોડા મુંબઈની અપોલો હોસ્પિટલમાં દાખલ
2 એપ્રિલે મલાઈકાની કારને નડ્યો હતો અકસ્માત
અમૃતા અરોડાએ કહ્યું, મલાઈકાની તબિયત હવે સારી છે
મલાઈકા અરોડા મુંબઈની હોસ્પિટલમાં દાખલ
અહેવાલ મુજબ મલાઈકાના માથે ઈજા થઈ હતી. જો કે, આ ઈજા કેટલી ગંભીર છે તે અંગે હજુ સુધી કોઈ જાણકારી સામે આવી નથી. પરંતુ અભિનેત્રીની બહેન અમૃતા અરોડાએ મલાઈકાની હેલ્થ અંગે અપડેટ આપ્યું છે. અમૃતા મુજબ મલાઈકા પહેલાથી વધુ બહેતર છે. અમૃતાએ એક અખબારને જણાવ્યું, મલાઈકા હવે સ્વસ્થ રહી છે. થોડા સમય માટે તે અંડર ઓર્બ્ઝર્વેશનમાં રહેશે. આની પહેલા અપોલો હોસ્પિટલે મલાઈકા હેલ્થ અપડેટ જાહેર કર્યુ હતુ. જેમાં કહેવામાં આવ્યું હતુ, મલાઈકાના માથા પર મામૂલી ઈજા થઇ છે. સીટી સ્કેનમાં સારો રીપોર્ટ આવ્યો છે, પરંતુ તે હવે પહેલા કરતા વધુ બેટર છે. મલાઈકાને આખી રાત દેખરેખમાં રાખવામાં આવશે અને પછી કાલે સવારે રજા આપવામાં આવશે.
નવનિર્માણ સેનાના કાર્યકર્તાઓએ મલાઈકાને કરી દાખલ
મીડિયા રિપોર્ટસ મુજબ મલાઈકાની કારનો અકસ્માત મુંબઈ પુણે એક્સપ્રેસ પર થયો છે. જણાવવામાં આવી રહ્યું છે કે અંદાજે 5-6 કારની એકની પાછળ એક ટકરાઈ જેમાંથી એક કાર મલાઈકા અરોડાની પણ હતી. રાજ ઠાકરેની સભામાં જઇ રહેલા નવનિર્માણ સેનાના કાર્યકર્તાઓની મદદથી તેમને હોસ્પિટલમાં દાખલ કરવામાં આવ્યાં. જો કે, હાલમાં મલાઈકાની સીબીડીની અપોલો હોસ્પિટલમાં સારવાર ચાલુ છે. મહત્વનું છે કે મલાઈકા અરોડા શનિવારે સાંજે ફેશન ઈવેન્ટમાં ગઇ હતી. તે સોશિયલ મીડિયામાં તેની ઈવેન્ટની તસ્વીરો અને વીડિયો શેર કરી રહી હતી. તેણે તેની ઈન્સ્ટાગ્રામ સ્ટોરી પર ફેશન ઈવેન્ટની ઝલક પ્રશંસકોને બતાવી છે.