બોલિવુડ એક્ટ્રેસ મલાઇકા અરોરા આજે પોતાનો 45મો બર્થ ડે સેલિબ્રેટ કરી રહી છે. પોતાની બર્થ ડે પર મલાઇકાએ મુંબઇની ફાઇવ સ્ટાર હોટલ JW Marriott Mumbai Juhu માં પાર્ટી રાખી હતી. આ પાર્ટીમાં મલાઇકાની ગર્લ ગેંગની સાથે સાથે તેનો બૉયફ્રેન્ડ અર્જૂન કપૂર પણ હાજર હતો. સોશ્યલ મીડિયા પર મલાઇકાની પાર્ટીની ફોટોઝ અને વીડિયોઝ વાયરલ થઇ રહ્યા છે.
બર્થ ડે પાર્ટીના ફોટોઝ અને વીડિયો સોશ્યલ મીડિયા પર થઇ રહ્યા છે વાયરલ
પાર્ટીમાં મલાઇકાએ ગોલ્ડન કલરની સ્પાર્કલ શોર્ટ ડ્રેસ પહેરી હતી જેમાં તે ખૂબ જ હૉટ લાગી રહી હતી. પાર્ટીમાં મલાઇકા અને અર્જૂનના ડાન્સ વીડિયો વાયરલ થઇ રહ્યા છે. બર્થ ડે ગર્લ પંજાબી સોંગ્સ પર ડાન્સ કરી રહી છે તો અર્જૂન કપૂર પોતાની જ ફિલ્મનું સોંગ 'પ્રોપર પટોલા' પર ડાન્સ કરતો જોવા મળી રહ્યો છે.
મલાઇકાની પાર્ટીમાં તેની બેસ્ટ ફ્રેન્ડ કરિના અને કરિશ્મા, પ્રોડ્યુસર-ડિરેક્ટર કરણ જોહર, બહેન અમૃતા અરોરા સિવાય શનાયા કપૂર, જાહ્નવી કપૂર, અનન્યા પાંડે, કરિશ્મા કપૂર, અર્જૂન રામપાલ, અક્ષય કુમાર, ટ્વિકંલ ખન્ના, શિલ્પા શેટ્ટી, રાજ કુંદ્રા, રાજકુમાર રાવ અને તારા સુતરિયા જેવા સ્ટાર્સ હાજર રહ્યા હતા. આ સિવાય મલાઇકાની બર્થ ડે પાર્ટીને ખાસ બનાવવા માટે તેનો દિકરો અરહાન પણ આવ્યો હતો.