પાસપોર્ટ માટે આવેદન કરનાર લોકો પોલીસ ક્લિયરન્સ સર્ટિફિકેટ(PCC) માટે દરેક ઓનલાઈન પાસપોર્ટ પોસ્ટ ઓફિસ સેવા કેન્દ્ર પર અરજી કરી શકે છે.
પાસપોર્ટ માટે આવેદન કરનાર લોકો માટે મોટી ખબર
હેલા કરતાં હવે પાસપોર્ટ બનાવવું વધુ સહેલું થઈ ગયું
28 સપ્ટેમ્બરથી શરૂ થશે આ સુવિધા
જો તમે પાસપોર્ટ બનાવવા જઈ રહ્યા છો અને તેના વેરિફિકેશન પ્રોસેસ(Verification Process) ને લઈને ચિંતિત છો તો આ સમાચાર તમારા માટે કામના છે. જણાવી દઈએ કે પહેલા કરતાં હવે પાસપોર્ટ બનાવવું વધુ સહેલું થઈ ગયું છે. વિદેશ મંત્રાલય (Ministry of External Affairs) દ્વારા આપવામાં આવેલી માહિતી અનુસાર પાસપોર્ટ માટે આવેદન કરનાર લોકો પોલીસ ક્લિયરન્સ સર્ટિફિકેટ(PCC) માટે દરેક ઓનલાઈન પાસપોર્ટ પોસ્ટ ઓફિસ સેવા કેન્દ્ર પર અરજી કરી શકે છે.
28 સપ્ટેમ્બરથી શરૂ થશે આ સુવિધા
વિદેશ મંત્રાલય (Ministry of External Affairs)નો આ નિર્ણય પાસપોર્ટ માટે આવેદન કરનાર માટે ચોક્કસપણે રાહતના સમાચાર છે. હવે આ કામ માટે વધુ પરેશાન થઈને ધક્કા ખાવાની જરૂર નથી, આ માટે ઓનલાઈન અરજી કરવાની સુવિધા આપવામાં આવી છે પણ જણાવી દઈએ કે આ ઓનલાઈન સુવિધા 28 સપ્ટેમ્બર એટલે કે બુધવારથી શરૂ થવા જઈ રહી છે. પોલીસ ક્લિયરન્સ સર્ટિફિકેટ (PCC) માટે પાસપોર્ટ માટે આવેદન કરનાર લોકો દરેક પોસ્ટ ઓફિસ પાસપોર્ટ સેવા કેન્દ્ર (POPSK) પર અરજી કરી શકે છે. આપણે બધા જાણીએ જ છીએ કે પાસપોર્ટ જારી કરવાની પ્રોસેસમાં પોલીસ વેરિફિકેશનનું સૌથી વધુ સમય લેતું કામ છે અને હવે સરકારે તે ઓનલાઈન કરી દીધું છે.
પોલીસ ક્લિયરન્સ સર્ટિફિકેટ (PCC)ની ડિમાન્ડ ઘણી વધી
વિદેશ મંત્રાલય(Ministry of External Affairs) પાસપોર્ટ જારી કરવા માટે નોડલ મિનિસ્ટ્રી છે એમને પાસપોર્ટ માટે આવેદન કરનાર લોકોને આવતી સમસ્યાઓને ઘણી હલ કરી દીધી છે. પોલીસ વેરિફિકેશનમાં સ્થાનિક પોલીસ દ્વારા વેરિફિકેશન કરવામાં આવે છે અને એ પછી જ ક્લિયરન્સ સર્ટિફિકેટ (PCC) જારી કરવામાં આવતું હતું. છેલ ઘણા સમયથી PCCની માંગમાં જોરદાર વધારો જોવા મળી રહ્યો હતો અને તેને કારણે વિદેશ મંત્રાલયે આ પગલું ભર્યું છે.
વિદેશ મંત્રાલય(Ministry of External Affairs) એ જ આપી જાણકારી
વિદેશમંત્રાલય દ્વારા જારી કરવામાં આવેલા એક નિવેદનમાં કહ્યું હતું કે પોલીસ વેરિફિકેશન સર્ટિફિકેટની માંગમાં વધારો થવાને કારણે દેશના તમામ ઓનલાઈન પોસ્ટ ઓફિસ પાસપોર્ટ સેવા કેન્દ્રોને PCC ના આવેદન કરવાની સુવિધા માટે લિંક કરવાનો નિર્ણય લેવામાં આવ્યો છે અને આ સુવિધા 28મી સપ્ટેમ્બરથી શરૂ થઈ રહી છે.