આજે ગણતંત્ર દિવસ છે અને જો તમે પણ હજુ સુધી તમારી રસોઈમાં કંઈ નવું નથી કર્યું તો તમે સાંજે તિરંગી ઈડલીનો પ્લાન કરી શકો છો. આ ઈડલી બનાવવામાં ખૂબ જ સરળ છે. સફેદ ઈડલી તો તમે બનાવો છો તે રીતે જ બનાવવાની છે. આ સિવાય કેસરી ઈડલી માટે તમારે ટામેટાનો ઉપયોગ કરવાનો છે અને ગ્રીન ઈડલી માટે તમારે ગ્રીન ચટણીનો ઉપયોગ કરવાનો છે. તેનાથી તમે ત્રણેય રંગની અલગ ઈડલીની મજા માણી શકશો. આ ઈડલી હેલ્થને માટે તો બેસ્ટ છે પણ સ્વાદમાં પણ બેસ્ટ છે.
ત્રિરંગી ઈડલી
સામગ્રી
3 કપ ઈડલીનું ખીરૂ
2 ટેબલસ્પૂન ટોમેટો ચટણી
2 ટેબલસ્પૂન ગ્રીન કોકોનટ ચટણી
1/4 ટીસ્પૂન ખાવાનો સોડા
તેલ જરૂર પ્રમાણે
ટોમેટો ચટણી માટે
2 નંગ ટામેટા
2 ટેબલસ્પૂન તાજી નાળિયેરની છીણ
4 થી 5 સૂકાં લાલ મરચાં
2 ટેબલસ્પૂન ચણાની દાળ
1 ટીસ્પૂન આંબલીનો પલ્પ
1 ટીસ્પૂન તેલ
મીઠું સ્વદાનુસાર
ગ્રીન કોકોનટ ચટણી માટે
1 ઝૂડી કોથમીરની
1/2 ઝૂડી ફૂદિનો
1/3 કપ તાજું નાળિયેરનું છીણ
4 થી 5 નંગ લીલા મરચાં
1 ટીસ્પૂન આંબલીનો પલ્પ
મીઠું સ્વાદાનુસાર
રીત
સૌપ્રથમ ટોમેટો ચટણી બનાવવા માટે એક કડાઈમાં તેલ ગરમ કરો. તેમાં ચણા દાળ ઉમેરીને શેકો. ચણા દાળ લાઈટ બ્રાઉન રંગની થાય એટલે તેમાં લાલ સૂકાં મરચાં ઉમેરીને શેકો. મરચાં શેકાય એટલે તેને ડિશમાં કાઢીને ઠંડા થવા દો. હવે એ જ પેનમાં સમારેલા ટામેટા ઉમેરીને સાંતળો. તે નરમ બને ત્યાં સુધી સાંતળો. હવે તેમાં આંબલીનો પલ્પ ઉમેરીને સાંતળો. હવે તેને ગેસ બંધ કરીને ઠંડુ થવા દો. હવે આ બધી જ સામગ્રીને મિક્સરમાં ઉમેરીને સાંતળો. જરૂર પ્રમાણે પાણી ઉમેરીને સ્મૂધ અને ઘટ્ટ ચટણી બનાવો.
હવે ત્રણ કપ ઈડલીના ખીરાને ત્રણ અલગ-અલગ વાટકીમાં રાખો. ત્યાર બાદ એક વાટકીમાં ટોમેટો ચટણી અને બીજી વાટકીમાં ગ્રીન ચટણી ઉમેરીને બરાબર મિક્સ કરી લો. ત્રીજી વાટકીના ખીરાને સફેદ રંગનું જ રાખવું.
ગ્રીન કોકોનટ ચટણી બનાવવા માટે બધી જ સામગ્રીને મિક્સરમાં ઉમેરીને જરૂર પ્રમાણે પાણી ઉમેરીને ગ્રાઈન્ડ કરો. ત્યાર બાદ તેને પણ એકબાજુ પર મૂકી દો.
હવે ઈડલીની થાળીને તેલ લગાવીને ગ્રીસ કરી લો. પહેલી વખત કેસરી રંગની ઈડલી ઉતારો. બીજી વખત ગ્રીન રંગની ઈડલી ઉતારો. અને ત્રીજી વખત સફેદ રંગની ઈડલી ઉતારો. તમારી ટ્રાય કલર ઈડલી તૈયાર છે. કોકોનટ ચટણી સાથે સર્વ કરો.