શરબત / આ ઉનાળામાં બનાવી લો આ પરંપરાગત શરબત, હેલ્થની સાથે ટેસ્ટમાં પણ રહેશે બેસ્ટ

• ગરમીમાં બનાવી લો આ ખાસ શરબત
• કાચી કેરીનો પન્નો છે પરંપરાગત શરબત
• સરળ અને સિમ્પલ રીતે તૈયાર થશે હેલ્ધી શરબત

ઉનાળામાં ચા કે કોફીનું ચલણ થોડું ઓછું થઈ જાય છે. માત્ર સવારમાં એકવાર પીવાની ઈચ્છા થાય. ત્યાર બાદ જેમ-જેમ ગરમી વધતી જાય તેમ-તેમ આપણને કંઈક ઠંડુ પીવાનું મન વધારે થાય છે. આપણે વરસોથી જોતાં આવીઆ છીએ કે, ઉનાળો આવતા જ ફ્રીઝમાં શરબતની બોટલ આવી જાય. પછી જ્યારે પણ મન થાય અથવા તો ઘરે કોઈ મહેમાન આવે આટલે તૈયારીમાં કૂલ-કૂલ શરબત બનાવીને આપી દેવાનુ. દાદીમાના જમાનાની વસ્તુમાં સ્વાદની સાથે સ્વાસ્થ્યનું પણ ધ્યાન રાખવામાં આવે છે. આ પરંપરાગત પીણામાં જે વસ્તુઓનો ઉપયોગ કરવામાં આવ્યો છે. તમે પણ તેને આ સીઝનમાં ટ્રાય કરી લો અને કરો તૈયારી કેરીના પન્નાની.

કાચી કેરીનું શરબત ( આમ પન્ના)

સામગ્રી

-250 ગ્રામ કાચી કેરી
-500 ગ્રામ ખાંડ
- મીઠું સ્વાદ અનુસાર
-જીરુ સ્વાદ અનુસાર

રીત

સૌપ્રથમ કાચી કેરીને ધોઇ, છોલીને પાણીમાં બાફી લો. બાફતા પહેલાં તેમાં જીરું પણ મિક્સ કરી લો. હવે તે ઠંડું પડે એટલે એ જ પાણીમાં મસળી લો. એક તપેલીમાં ખાંડ ડૂબે એટલું પાણી લઇ એક તારી ચાસણી બનાવો. ચાસણી ઠંડી પડે એટલે પેલું કેરીવાળું પાણી નાંખી હલાવીને તેને ગાળી લો. આ ગાળેલો પલ્પ એક બોટલમાં ભરી લો. આ પછી દિવસમાં 1-2 વાર આ પલ્પનું શરબત બનાવીને ગરમીમાં પીઓ.